Semaana oʼttaka akoosütoʼu 5

SEMAANA OʼTTAKA AKOOSÜTOʼU 5

Jayeechi 67 otta oʼuraajaa

□ Ekirajawaa sünain tü Wiwüliakat namaa Wawalayuukana

bh ekir. 17 püt. 1-8 (30 min.)

□ Ekirajawaa süpüla Aküjaa Pütchi

Aashajeʼennajatü Alateetkat Mapeena 7-9 (10 min.)

Püt. 1: Alateetkat Mapeena 7:1-4, 9-17 (4 min. jee paliʼirüle)

Püt. 2: Oʼonooshii na anoujüshiikana naʼaka na manoujüinsaliikana naashin, ¿jamaluʼulu tia? (1 Ped. 2:11, NM; 1 Juan 2:15-17) (5 min.)

Püt. 3: ¿Jameerü nakuwaʼipa napüshuaʼa na wayuukana? (ds süp. 24 asak. 34) (5 min.)

□ Outkajawaa süpüla Aʼyatawaa nümüin Maleiwa

Jayeechi 79

10 min. Sukuwaʼipa aküjaa pütchi akoosütoʼu süka tü rewiisütakalüirua. Ekirajawaa namaa na jutkatakana. Soʼu 30 jee 60 sekunto, püküja jamüin kamalainjeetka tü rewiisütakalüirua namüin na wayuukana. Naküjüinjatü na jutkatakana jamüinjatüin nasakiria süpüla aküjaa pütchi süka tü pütchi sünainkat süta Aapiria Wayuu otta jarat tü wersiikulo naashajeʼerüinjatkat suluʼujee tü Wiwüliakat. Müinjatia putuma sükajee tü pütchi sünainkat süta ¡Despertad! Süpütaale minuuto, paainjaleʼeya tia süka waneesia pütchi suluʼujee waneesia rewiisüta. Piiʼiyata waneesia shiyaawase sükajee Aapiria Wayuu otta ¡Despertad!

10 min. Tü anoukteʼennajatkat eere woutkajaain.

10 min. ¿Kasa shikirajaka anain waya? Ekirajawaa namaa na jutkataikana. Paashajeʼerirapa Lucas 5:27-32, püsakira jamüin sükaaliinjaka waya sünain aʼyatawaa nümüin Maleiwa.

Jayeechi 119 otta oʼuraajaa