Süpüshi tü wanüikinjatkat

Suʼttia shikirajia wayuu akoosütoʼu soʼu tü palajatkat saawanoʼu

«Nnojoishii eein na wayuu moʼuraajüinkana nümüin Maleiwa. Jaʼitaichi manoulain wanee wayuu, oʼuraajüshi nia sülatüle kasa mojusü nümüin. ¿Naapüinche Maleiwa nanüiki napüshuaʼa na wayuukana?» Süchikijee nusouktüin, piiʼiyata nümüin tü pütchi süsapoʼujeekat tü rewiisütakat Aapiria Wayuu ojuʼitaka akoosütoʼu 1 otta pikiraja nia sünain tü palajatkat asakiraa jee paashajeʼera waneeshiaakaijeʼe pütchi suluʼujee tü Wiwüliakat. Paapa tü rewiisütakat nümüin otta püküja püleʼejeechin püchikuaʼa süpüla pikirajüin nia sünain tü wanee asakiraakat.

Pütchi: Pütchikat tüü, eeʼiyatünajatü sünain tü outkajawaa aainjünajatkat süpülapünaa ojuʼitaa sünain aküjaa pütchi akoosütoʼu soʼu tü palajatkat saawanoʼu.

Aapiria Wayuu Akoosütoʼu 1

«Wainma wayuu shapaaka aaʼin sutuma jouluin sainküin mma tü anajaakat shiyaakua wayuu masheʼinsat jee amaʼüjiraasü sukuwaʼipa. Akanasaʼa eein na nnojoliikana mojuin amüin tia. ¿Jaraliiche aküjaka tü shiimainkat? [Puuʼulaa nusouktai.] Süpüla watüjaain saaʼu müleka anale jee mojule wanee kasa, jülüjüinjatü waaʼin tü kasa eekat sünainjee [paashajeʼera Mateo 7:17]. Süküjüin rewiisütakat tüü kasain eein sünainjee anajaa shiyaakua wayuu masheʼinsat jee amaʼüjiraasü sukuwaʼipa. Otta süküjüin kasain naainjüinjatüin wanee wayuu süpüla nuuʼulaain suulia tia.»

¡Despertad! Akoosütoʼu

«Nnojoishi eein wanee wayuu oukteekai maaʼulu. ¿Nainkeetche na atüjüshiikana maʼin katüinjatüin soʼu wayuu süpüla kaʼi süpüshuaʼa? [Puuʼulaa nusouktai.] Jülüja paaʼin tü nümakat Maleiwa [paashajeʼera 1 Corinto 15:24-26]. Süküjüin rewiisütakat tüü jameerüin sukuwaʼipa nutuma Maleiwa otta süküjüin kasain laülaain atuma wayuu otta kasain ouktüin atuma wayuu.»