Süpüshi tü wanüikinjatkat

Suʼttia shikirajia wayuu oʼutuupüroʼu soʼu palajatka saawanoʼu

«¿Aashin mojushataain saaʼin wanee wayuu ouktüle süpüshi? [Puuʼulaa nusouktai.] Amülouire wanee wapüshi, sümülialüin waaʼin pütchikat tüü». Piiʼiyata nümüin tü pütchi süsapoʼujeekat tü rewiisüta Aapiria Wayuu ojuʼitakat oʼutuupüroʼu. Otta pikiraja nia sünain tü palajatkat asakiraa jee paashajeʼera nümüin waneeshiaakaijeʼe pütchi suluʼujee tü Wiwüliakat. Paapa tü rewiisütakat otta püküja püleʼejeechin süpüla pikirajüin nia sünain tü wanee asakiraakat.

Aapiria Wayuu Oʼutuupüroʼu 1

«Yootushii waya namaa na wayuukana süchiki tü Wiwüliakat. Eeshii na wayuu kamalainkana amüin naashajeʼerüin shia otta eeshii na nnojoliikana aaʼinrüin tia. ¿Jama piakai? ¿Kamalainsü pümüin paashajeʼerüin shia? [Puuʼulaa nusouktai.] Müsü tü Wiwüliakat suluʼu [paashajeʼera 1 Tesalónica 2:13]. Süka nünüikin Maleiwa tü Wiwüliakat, acheküsü waashajeʼerüinjatüin shia. Rewiisütakat tüü, aashajaasü süchiki tü sümakat tü Wiwüliakat otta süküjüin jamüin waashajeʼerüinjatka shia.»

¡Despertad! Oʼutuupüroʼu

«¿Choʼujaasüche wainmain kasa nümaʼanaa wanee wayuu süpüla talatüinjachin nia? ¿Jamüsü pünüiki süchiki tia? [Puuʼulaa nusouktai.] Anuu tü sümakat tü Wiwüliakat süchiki tia [paashajeʼera 1 Timoteo 6:8]. Rewiisütakat tüü, aashajaasü süchiki apünüinsü kasa nnojotka saapüin wamüin tü nneetkat.»