WAKUWAʼIPA SÜNAIN ANOUJAA
Jimaʼalii otta majayünnüü, jiʼyataa maaʼulu nümüin Jeʼwaa
Eesü jülüjale waaʼin nnojoleenain waya laülaayuuin otta nnojoleenain weʼrüin müliaa (Ec 12:1). Jimaʼaliiwaʼaya pia otta majayülüiwaʼaya pia, ¿jülüjasüche paaʼin eeyülüinya süpüla piʼyataain maʼin waneepia nümüin Jeʼwaa?
«Alatalaʼa müsü kasa mojusü sümüin wayuu süpüshuaʼa», jaʼitakajaʼa na jimaʼaliikana otta na majayünnüükana eesü sülatüle tia namüin (Ec 9:11, TNM). Nnojotsü jaralüin atüjaain saaʼu tü alateetkat wamüin mapeena (Snt 4:14). Müsüjeseʼe anain piʼyataamaatüle süpüla püsaʼwatüin tü piʼyataweekalü anain nümüin Jeʼwaa. Pücheka aʼyatawaa nümüin maiwaʼaya pia jimaʼalin otta majayülüin (1Co 16:9). Nnojoleerü mojuin paaʼin sutuma tia.
Anuu waneeirua aʼyatawaa anaka süpüla piʼyataain achiirua:
Püküja pütchi suluʼu anüikii naata.
Pürekutsoot pia.
Puʼuna sünain wanee ekirajawaa süpüla aküjaa pütchi.
Piʼyataa sünain akumajaa piichi outkajaalee.
Piʼyataa suluʼu Weteet.
Pülapalaa naaʼu na wawalayuukana.