¿Puunteerü püküjain jamüin punoujaka shiimain eein chi Maleiwakai?

Püsakinnüle jamüin punoujaka sünain shiimain eein chi Maleiwakai, ¿jameerü pünüiki? Süpüla jaʼyain paaʼu shiimain tü punoujakalü anain, paaʼinrüinjatü piamasü kasa. Palajana, shiimainjatü pümüin sukumajuushin kasakat süpüshuaʼa (Ro 12:1, 2). Tü wane paainjainjatka shia püsakirüinjatüin paaʼin süchiki jamüinjatüin süküjia putuma tü punoujakalü anain (Pr 15:28).

¿JAMÜSÜ NANOUJAKA WANEINNUA WAYUU SÜNAIN EEIN CHI KAKUMALAKAI KASAKAT SÜPÜSHUAʼA? SÜPÜLA PÜTÜJAAIN SAAʼU TIA, PÜNAJA TÜ VIDEO KANÜLIAKAT WANEE TOTTOOT ANAATÜTKA SHIIPÜSE WAYUU SÜKÜJAIN JAMÜIN SUNOUJAKA SÜNAIN EEIN CHI MALEIWAKAI OOʼULAKA WANEE WAYUU EKIRAJAAKAI SÜCHIKI SUKUWAʼIPA MÜRÜT NÜKÜJAIN JAMÜIN NUNOUJAKA SÜNAIN EEIN CHI MALEIWAKAI. SÜCHIKIJEE JUSOUTA SHIʼIPAJEE TÜÜ:

• 

  ¿Jamüsü sunoujaka anain Irène Hof Laurenceau sukumajuushin kasakat süpüshuaʼa jee nnojoluin sukumajaain sümüiwaʼa?

• 

  ¿Jamüshi nunoujaka Yaroslav Dovhanych sukumajuushin kasakat süpüshuaʼa jee nnojoluin sukumajaain sümüiwaʼa?

• Püküjeere nümüin wanee wayuu punoujain sünain sukumajuushin kasakat süpüshuaʼa, ¿jameerü pünüiki nümüin?

• Sünainjee tü karaloʼutairua saainjakat nupueulose Jeʼwaa, ¿kasa karaloʼuta akaalinjeechika pia süpüla püküjain namüin na waneinnua akumajuushin waya?