Eneeroʼu 13-19
GÉNESIS 3-5
Jayeechi 69 otta oʼuraajaa
Pütchi suʼttiainjatka (1 min.)
KOROLO KOJUTUSÜ SULUʼUKA TÜ WIWÜLIAKAT
«Mojusü sukuwaʼipa wayuu sutuma tü alawaa nüküjakat Satanaa» (10 min.)
Gé 3:1-5. Aküjashi alawaa chi Yolujaakai nüchiki Maleiwa (w17.02 5 püt. 9).
Gé 3:6. Nnojoishi oonooin Adán sümaa Eva nümüin Maleiwa (w00-S 15/11 25, 26).
Gé 3:15-19. Süsalashii nutuma Maleiwa na eʼrüliikana wayumüin (w12-S 1/9 4 püt. 2; w04-S 1/1 29 püt. 2; it-1-S 717).
Püchajaa süchiki kaaʼürüi suluʼu tü Wiwüliakat (10 min.)
Gé 4:23, 24, TNM. ¿Jamüsü niiʼirajaka Lamec jayeechikat tüü? (it-2-S 183 püt. 2).
Gé 4:26, TNM. Oʼttüsü wayuu sünain achuntaa nünülia Jeʼwaa soʼu nükalioʼu Enós, ¿anasüche sukuwaʼipa natuma? (it-1-S 359).
Sünainjee tü paashajeʼerakat soʼu semaanakat tüü, ¿kasa pütüjaka nüchiki Jeʼwaa, süchiki aküjaa pütchi jee waneirua kasa?
Wetsiikulo aashajeʼennajatka (4 min. jee paliʼirüle): Gé 4:17–5:6 (th ekirajaaya 5).
ATÜJAINJANA WAYA EKIRAJAA
Soʼu palajatka pukua, video (4 min.): Ekirajawaa namaa na jutkatüshiikana. Piʼitaa tü videokot jee püsakira sünain tüü: ¿kasa kamalainka pümüin sünain suʼttia nanüiki na wawalayuukana? ¿Kasa watüjaka sünainjee tü naainjakat na wawalayuukana süpüla naleʼejüin nachikuaʼa?
Soʼu palajatka pukua (2 min. jee paliʼirüle): Püshata tü pünüikinjatkat sünainjee süpana waneesia (th ekirajaaya 1).
Soʼu palajatka pukua (3 min. jee paliʼirüle): Püshata tü pünüikinjatkat sünainjee süpana waneesia. Pusouta shiʼipajee sünüiki wanee wayuu nnojotka aapajeein tü pütchikat. Müinjatü sünüiki maʼaka sünüiki wayuu eere püküjain pütchi (th ekirajaaya 3).
Soʼu palajatka pukua (3 min. jee paliʼirüle): Püshata tü pünüikinjatkat sünainjee süpana waneesia. Süchikijee, aashajaashi chi wayuukai süchiki wanee kasa naata suulia tü pümakat nümüin otta piakai paapüin nümüin wanee rewiisüta jeketü aashajaaka süchiki tia nüküjakat pümüin (th ekirajaaya 2).
WAKUWAʼIPA SÜNAIN ANOUJAA
«Tü waaʼinrüinjatkat süpüla waküjain pütchi sükajee tü karaloʼutacheinkat» (15 min.): Ekirajawaa namaa na jutkatüshiikana. Piʼitaa tü video aküjakat jamüinjatüin sukuwaʼipa aküjaa pütchi sükajee tü karaloʼutacheinkat otta pikirajaa sünain namaa na jutkatüshiikana.
Ekirajawaa sünain tü Wiwüliakat namaa na wawalayuukana (30 min.): lvs ekir. 1 püt. 15-18; süpana 13-15 otta tü nootakat 4.
Pütchi sajaʼttiamüinkat (3 min. jee paliʼirüle)
Jayeechi 123 otta oʼuraajaa