4 Moto Jaaʼin Jaainjala Waneʼewai Jukua

¿KASA SÜNAINPÜNAAKA?

Motule waaʼin saainjala wayuu, walatirüin shia soʼupünaa waaʼin otta nnojotsü üttakuʼu müin waaʼin sünainjee tia. Nnojotpejeʼe jülüjainjatüin waaʼin malain neʼe tü alatakat jee nnojoluin kasain aainjünüin wamüin.

TÜ SÜMAKAT TÜ WIWÜLIAKAT: «Jaaʼinra tü anasükat shiʼipajee eekai shiʼrülüin wayumüin jümüin, sümaa motüin jaaʼin saainjala» (Colosas 3:13).

«Aire püpüla wanee wayuu nnojotsü jülüjain maʼin paaʼin tü mojukat sünain sukuwaʼipa, shia jülüjaka paaʼin tü saaʼinrakat süpüla sunouteʼerüin shia» (Aaron).

¿JAMÜSÜ CHOʼUJAAKA JAAʼINRÜIN TIA?

Üttakuʼu müle paaʼin, ayuuijeechi pia, nnojoleerü talatüin paaʼin otta amojujaajeerü pukuwaʼipa sümaa puʼwayuuse.

«Aashajaashinka tamaa chi taʼwayuusekai süpüla motuinjatüin taaʼin wanee kasa naaʼinraka tamüin jee mojuka maʼin anainjee taaʼin. Mayaapejeʼe kapüleein tamüin motuin taaʼin tü naaʼinrakat tamüin, motusü taaʼin shia mapa. Mototüjürüle taaʼin naainjala, nnojotsüjeʼe mojuin wakuwaʼipa otta mojujiraakuʼu müin waya» (Julia).

¿KASA EEKA SÜPÜLA PAAʼINRÜIN?

PÜSAKIREʼERA PAAʼIN

Naaʼinrapa chi puʼwayuusekai wanee kasa mojeetka atuma paaʼin, jülüja paaʼin tüü:

• ¿Mantujee anainche taya?

• ¿Taʼatapajüinche naashajaain tamaa süpüla motuinjatüin taaʼin naainjala? ¿Mototaapa neʼe taaʼin shia?

YOOTO JIA SÜCHIKI TÜÜ

• ¿Kakaliashiiche waya süpüla anajiraain waya wachikuaʼa?

• ¿Kasa eeka süpüla waainjain süpüla wakumajamaatüin sukuwaʼipa wanee mojujirawaa?

PUUʼULAKA PAAʼINRÜIN TÜÜ

• Naainjüle wanee kasa mojusü pümüin chi puʼwayuusekai nnojo jülüjain paaʼin naaʼinjeein tia.

• Soteesü paaʼin nnojoluin eein wayuu eekai naaʼinrüin tü anasükat waneepia (Santiago 3:2).

«Eesüjaʼa mapüleere wamüin motuin waaʼin tü aainjünakat wamüin wasiʼrüle piamaleʼeya tü alatakat. Kapüleepejeʼe shia müleka waneeshiale chi kaainjalakai. Nnojoluinjatü yaletayaain waaʼin süpüla motuin waaʼin naainjala na waneinnua» (Kimberly).

TÜ SÜMAKAT TÜ WIWÜLIAKAT: «Püchajaamaata sukuwaʼipa süpüla punoutuin sukuwaʼipa tü mojujiraakalü aaʼujee jia» (Mateo 5:25, TNM).