Ai püpüla wayuu

Tü mojukalü aaʼujee shia

Ayuuire wanee wayuu nnojoishi anamaatüin nia, müsia neʼe nukuwaʼipa chi alerajakai wayuu, nnojoishi ooʼulaamaatüin suulia tia. ¿Kasa naaʼinrajatka wanee wayuu süpüla nuuʼulaain suulia alerajaa wayuu?

Tü sümakat tü Bibliakat

Kojuyasü ayaakuaa: 1. Wanee wayuu chejeʼewaikai Asia nujutalüin tü puettoʼukot nüpüleerua wanee wayuu mutsia atachi ojuʼitakai sümaa kepein. 2. Wanee wayuu mutsia atachi niitajüin kepein namüin na aʼyataajiraakana nümaa jee yala eesü wanee wayuu chejeʼewatkat India.

«Alinjatü jüpüla wayuu, jama shiain kottiraain atuma wayuu tia» (COLOSAS 3:14).

¿Jamaluʼulu shia? Paaʼinrüle kasa anasü sümüin wayuu paaʼinweena pia namaa. Nnojoleena püʼürülain jee pülerajüin wayuu aire naya püpüla.

Tü eekat süpüla paaʼinrüin

Kojuyasü ayaakuaa: 1. Wanee wayuu chejeʼewatka India sükaalinjain wanee laülaa sümaa tü süchisekat. 2. Wanee laülaa wule ata asülüjüsü kayeeta nümüin wanee wayuu chejeʼewaikai Asia.

Püchajaa sukuwaʼipa süpüla paaʼinrüin kasa napüleerua na wayuu nnojoliikana anain ashoʼu pümüin. Eesü süpüla puuʼulaküin paaʼinrüin tüü:

Nnojoleerü püʼürülain jee pülerajüin wayuu paaʼinrüle kasa anasü napüleerua.

Kamanee pia namüin, pujutalaa tü puettoʼukot napüleerua jee shiale püshaʼwalaain napüleerua süpüla naikalaain.
Yooto pia namaa mayaainjeʼe nnojolin natüjain maʼin süpüleerua tü pünüikipalakat.
Nnojo püshapajaain aaʼin nnojorüle piyaawatüin saaʼu tü nüküjeekalü achiki.
Paapaja nünüiki nüküjapa süchiki wanee kasa kapüleesü alataka nümüin.