Puunteerü kekiin maʼin pia nutuma Maleiwa
«Aapünüsü tia pütchikat wamüin, waya anoujashiikana wapüshua nütüma chi Naaʼinkai Maleiwa» (2 Timoteo 3:16). Nüküjain Maleiwa namüin na wayuu ashajakana tü Bibliakat tü nashajüinjatkat.
Nüküjain pümüin Maleiwa tü anainjatkalü atuma pukuwaʼipa
«Tayakai Jeʼwaa, taya chi [...] ekirajakai pia süpüla anainjatüin pukuwaʼipa, Chi oʼunirakai pia suluʼupünaa tü wopu anasükat, poonoole sümaa tü taluwataakalü anain, jimateerü paaʼin maʼaka saaʼin wanee süchi otta loteerü pukuwaʼipa maʼaka saaʼin sümüna tü palaakat» (ISAÍAS 48:17, 18).
Pütchikat tia nüküjain pümüin Maleiwa süpüla anainjatüin pukuwaʼipa. Nücheka achikit anainjatüin paaʼin jee nükaalinjeein pia süpüla anainjatüin pukuwaʼipa waneepia.
Eesü süpüla pütüjaain saaʼu tü Nünüikikat Maleiwa
«Aküjüneerü sümüin wayuu tü pütchi anasükat [...] sainküin mmakat süpüshua» (MATEO 24:14).
Tü pütchi anasükat shia tü nümakat Maleiwa süchiki najaʼttirajatüin tü müliaakat, anainjatüin maʼin nutuma tü mmakat jee nüsoʼireʼerüinjatüin naaʼin na wapüshi anaajaakana, aküjünüsü tia pütchikat sainküin tü mmakat natuma na aküjaliikana pütchi nüchiki Jeʼwaa.