Najaʼttirüin Maleiwa na mojulaashiikana

18 Awainmalaashii nüchonnii Adán sümaa mojulaain maʼin naya. Ouktuinjana naya nutuma Maleiwa (Génesis 6:1, 5, 7).

19 Eejachi wanee wayuu anamia kanüliashi Noé (Génesis 6:8-10).

Nuluwataain nia Maleiwa sünain akumajaa wanee anua miyoʼu eeinjachire nikerotüin sümaa nüpüshi süpüla katüin noʼu najaʼttirapa Maleiwa na mojulaashiikana. Tia anuakat müsü aka saaʼin wanee kaaja miyoʼu (Génesis 6:13, 14).

20 Nekerotirüin wainma mürüt suluʼu tü anuakat (Génesis 6:19-21).

21 Niʼitirüin Jeowa wanee juya miyoʼushaata. Ouktushii napüshuaʼa na mojulaashiikana. Naya neʼe kataka oʼu na suluʼujanakana tü anuakat. ¿Jamüsü sülataka tia? (Génesis 6:17; 7:11, 12, 21; 1 Pedro 3:10-12).