Ekirajaaya 1

¿Kasa paainjüinjatka süpüla pütüjaain saaʼu tü nuchuntakat Maleiwa pümüin?

¿Kasa pütchi analuʼulu suluʼuka tü Wiwüliakat? (1)

¿Jara kashajirüinka tü Wiwüliakat? (2)

¿Jamüshii wekirajaainjanaka sünain tü Wiwüliakat? (3)

1. Nüsülajala wamüin Maleiwa tü Wiwüliakat. Müsü aka saaʼin wanee karaloukta nünüikimaajatü wanee wayuu aipürai namüin nüchonnii. Süküjüin wamüin tü shiimainkat nüchiki Maleiwa: jaralin nia otta tü nuluwataakat anain waya. Süküjüin tü waaʼinrüinjatkat wanaa sümaa sülatüin wamüin kasa mojusü otta süpüla talatüinjatüin waaʼin. Shia mülee tü Wiwüliakat aküjaka wamüin tü waaʼinrüinjatkat süpüla talatüin Maleiwa watuma (Alateetkat Mapeena 1:3; Isaías 48:17, 18).

2. Ashajünüsü tü Wiwüliakat natuma 40 wayuu soʼutpünaa 1.600 juya soʼujee 1513 Sü. W.a Eesü 66 karalouktachein suluʼu. Tü nashajakat nüshajirala Maleiwa, nnojotsü shiain nashajüin tü naleʼeruʼujeejatkat. Sutuma tia nnojoishi wayuuin chi ashajitkai tü Wiwüliakat, nia chi Maleiwa sirumatuʼujeʼewaikai (2 Timoteo 3:16, 17; 2 Pedro 1:20, 21).

3. Jülüjüsü naaʼin Maleiwa süshajia tü Wiwüliakat süpüla anainjatüin otta ayatüinjatüin shia waneepia. Aainjünüsü watta saalii Wiwülia suulia wanee karalouktairua. Nnojoleerü talatüin wayuu süpüshuaʼa süka pikirajaain sünain tü Wiwüliakat, nnojo puuʼulaain sutuma tia. Süpüla katüinjatüin poʼu waneepia piʼraajüinjachi otta paainjüinjatü tü keeʼireekat naaʼin Maleiwa jaʼitairü apüleeruaanüin paaʼin Mateo 5:10-12; Juan 17:2, 3).

[Pütchi wunaapünaaka]