Paaʼinmaa maʼin pikirajüin wayuu

Tü sukuwaʼipakat nutuma Jesús

VIDEO: Nikirajüin Jesús Nicodemo

1. Pünaja tü VIDEOKOT jee shiale paashajeʼerüin Juan 3:1, 2. Süchikijee tia püsakira sünain pütchikat tüü:

1. 1. ¿Jamüshi nuʼunaka Nicodemo saʼwai sünain anaʼlawaa nümüin Jesús? (Pünaʼla tü sümakat Juan 12:42, 43).

2. 2. ¿Jamüsü jaʼyakaʼa naaʼu Jesús nikirajeein wayuu sünainjee nikirajüin Nicodemo saʼwai?

Tü watüjakat nünainjee Jesús

2. Jaʼyeerü waaʼu alin wapüla wayuu wakaalinjale naya süpüla nayainjanain na nikirajüinkana Cristo.

Waaʼinra tü naaʼinrakat Jesús

3. Pikiraja chi pikirajüinkai soʼu tü kaʼi anashiikalü oʼu nümüin otta eere nücheküin nikirajaweein. Eesüjaʼa kamalainre nümüin nikirajaain soʼu tü kaʼi anashiika oʼu nümüin jee soʼu tü oora nüchekakat oʼu shia. ¿Kamalainjeetche nümüin ekirajawaa niʼyataaleruʼu, nipialuʼu jee shiale eere wainmain wayuu? Eesüjaʼa süpüla piiʼiratüin tü kaʼi paainjakalü oʼu wanee kasa süpüla pikirajüinjachin nia soʼu tü kaʼi nüchekakalü oʼu shia jee eere anashiin shia nümüin.

4. Nnojo puuʼulaain suulia ekirajaa chi pikirajüinkai. Müleka nnojolinjachire pia, anasü jülüjale paaʼin tüü:

1. 1. ¿Eesüche süpüla piiʼiratüin tü kaʼi jikirajaainjanakalü oʼu soʼu tia semaanakat?

2. 2. ¿Eeshiche süpüla puunejüin chi pikirajüinkai suluʼupünaa serulaat jee yootule pia nümaa sükajee videoconferencia?

3. 3. ¿Jama puchuntule kaalinwaa nümüin wanee wawala süpüla nikirajüinjachin chi pikirajüinkai?

5. Puchunta nümüin Maleiwa süpüla anainjatüin sukuwaʼipa tü kasa paaʼinrakat. Puchunta nümüin Jehová süpüla nükaalinjainjachin pia suulia puuʼulaain suulia ekirajaa chi pikirajüinkai, jaʼitakajeʼe nnojoluin nikirajaʼawalin waneepia jee nnojorüle naapamaatüin sümaa tü sümakat tü Bibliakat (Filip. 2:13). Puchunta kaalinwaa nümüin Maleiwa süpüla shiainjatüin jülüjain paaʼin tü anakat nutuma chi pikirajüinkai.