SUSOUKTAKA EʼIPAJEE TÜ WIWÜLIAKAT

¿Eesüche süpüla katüin soʼu wayuu waneepia?

Kakalia maʼin katüin noʼu Adán, chi palajachikai wayuu akumajuushin. Akaisaʼa laülaain jee ouktüin nia mapa. Soʼujeʼereʼeya tia, nachajaain maʼin sukuwaʼipa na wayuukana süpüla nnojoluin laülaain jee ouktüin naya. Amüla neʼe tia. Kapüleesü namüin na wayuukana nountüin tia süka kaainjalain naya. Ouktüshi Adán saaliijee nnojolin noonooin nümaa Maleiwa. Sutuma nuuʼuliwoʼuin waya Adán, kaainjalashii jee ouktüshii waya. (Paashajeʼera Génesis 5:5 otta Roma 5:12.)

Süpüla katüinjatüin woʼu waneepia, choʼujaasü wamüin waakajinnüin (Job 33:24, 25). Tü aakajiraakat shia suwalaajünüle süpüla nüjütünüin wanee wayuu eekai püreesain atumawaa; eekajasaʼa wayakana, choʼujaasü wamüin waakajinnüin suulia tü ouktaakat (Éxodo 21:29, 30). Naakajirüin waya Jesuu suulia tü kaainjalaakat jee tü ouktaakat sükajee naapajiraain nikii süpüla ouktaa waaʼu (Paashajeʼera Juan 3:16.)

¿Kasa waaʼinrüinjatka süpüla katüinjatüin woʼu süpüla kaʼika süpüshuaʼa?

Nnojoleerü isain wayuu süpüshuaʼa suulia ayuulii jee ouktaa. Amülouijeena na wayuu nnojoliikana oonooin nümaa Maleiwa maʼaka amülouilin Adán. Nayeena katakana oʼu süpüla kaʼika süpüshuaʼa na wayuu alatinnakana oulia tü naainjalakat. (Paashajeʼera Isaías 33:24; 35:3-6.)

Süpüla sülatinnüin woulia tü waainjalakat, choʼujaasü wekirajaain sünain tü Wiwüliakat süpüla weʼraajüinjachin Maleiwa. Waaʼinrüle tü sümakat tü Wiwüliakat, aneena maʼin waya, aneerü wakuwaʼipa noʼuluʼu Maleiwa jee müsia kateerü woʼu süpüla kaʼika süpüshuaʼa. (Paashajeʼera Juan 17:3, NM; Aluwataaushikana 3:19.)