SUSOUKTAKA EʼIPAJEE TÜ WIWÜLIAKAT

¿Eesüche süpüla sunouktünüin tü maʼletseekat saaʼujee tü mmakat?

Okoʼojoosü wanee wayuu sünain süchon sümaa sajapuluʼujüin wanee iita maluʼusat — ¿Kasa naaʼinrajatka maleiwa süpüla najaʼlajeʼerüin tü maʼletseekat? (Mateo 6:9, 10, *TNM*)

Wainma wayuu maʼletsekana ouktaka juyawai sutuma alatiraa jamü otta sutuma ayuulii. Mayaapejeʼe eein mma eere wainmain washinnuu, wainmaleʼeya na wayuu maʼletsekana sainküin mmakat. Saashin tü Wiwüliakat, eetüjülia «na wayuu müliakana» yaa saaʼu tü Mmakat. (Paashajeʼera Juan 12:8.)

Süpüla anainjatüin wayuu süpüshuaʼa, choʼujaasü wanee aluwataaya eekai lotuin sukuwaʼipa otta eekai sajaʼlajeʼerüin tü atkawaakat sainküinjee mmakat, süka jamüin, shiain maʼletsein atuma wayuu maaʼulu yaa. Niʼitaajeerü Maleiwa wanee aluwataaya eekai müin aka saaʼin tia yaa saaʼu mmakat. (Paashajeʼera Daniel 2:44.)

¿Jaraleechi ajaʼlajeʼeraka tü maʼletseekat?

Aneekünüshi Jesukürisüto nutuma Maleiwa süpüla nuluwataainjachin saaʼu wayuu süpüshuaʼa (Salmo 2:4-8). Nükaaliinjeena Jesuu na maʼletsekana, najaʼlajeʼereena na aluwataalii müliakana atuma wayuu jee na kaainjaraliikana. (Paashajeʼera Salmo 72:8, 12-14.)

Nuluwataapa Jesuu saaʼu tü Mmakat, eejeerü nutuma tü anaakat jee nnojoleerü mmoluin wayuu. Soʼu tia, talatashaateerü maʼin wayuu süka kepieerüin shia, aneerüin maʼin shiʼyataain otta jouleerüin eküülü. (Paashajeʼera Isaías 9:6, 7; 65:21-23.)

Pütüjeere sooʼomüin, pikirajaa sünain karalouktakat ¿Kasa shikirajaka maʼin tü Wiwüliakat?, kapiitulo 8. Nakumajala na aküjüliikana pütchi nüchiki Jeʼwaa

Püdescargaaja masaloui suluʼujee www.jw.org jee shiale pipirajüin tü yaakat wünaapünaa