1) Asakiraa, 2) pütchi suluʼuka tü Wiwüliakat otta 3) ekirajaaya
Wanee sukuwaʼipa süpüla wekirajüin süka tü karalouktakat ¿Kasa shikirajaka maʼin tü Wiwüliakat? shia: 1) asakiraa na wayuukana jamüin nanüiki süchiki wanee kasa; 2) aashajeʼeraa wanee pütchi anasü suluʼujee tü Wiwüliakat otta 3) eeʼiyataa tü ekirajaaya suluʼujeejatkat tü karalouktakat otta aashajeʼeraa tü asakiraa suʼttakat aka. Anasü tüü süpüla oʼttaa sünain ekirajaa soʼu palajatka wakua jee wouyantapa wachikuaʼa.
◼ «Saaʼin pümüin ¿eeshii süpüla narütkaain na wayuukana nünainmüin chi Maleiwa Pülashikai maʼin maʼaka süküjüin tü Wiwüliakat yaaya?» Paashajeʼera Aluwataaushikana 17:26, 27 otta puuʼulaa nasouktai. Süchikijee piiʼiyata ekirajaaya 1.
◼ «Wanaa sümaa sülatüin kasa mojusü wamüin maaʼulu, ¿eesü süpüla sümülialüin waaʼin otta waʼatapajüin tü aküjünakat yaaya?» Paashajeʼera Roma 15:4 otta puuʼulaa nasouktai. Süchikijee piiʼiyata ekirajaaya 2.
◼ «Pütüjüle süpüleerua kasa süpüshuaʼa ¿paainjüinjee süpüshuaʼa tü aküjünakat yaaya?» Paashajeʼera Alateetkat Mapeena 21:4 otta puuʼulaa nasouktai. Süchikijee piiʼiyata ekirajaaya 3.
◼ «Saaʼin pümüin ¿aneetche soʼu wanee kaʼi nakuwaʼipa na wachonniikana maʼaka süküjüin tü ashajünakat yaaya?» Paashajeʼera Salmo 37:10, 11 otta puuʼulaa nasouktai. Süchikijee piiʼiyata ekirajaaya 3.
◼ «Saaʼin pümüin ¿ekeraajeerü tü pütchi ashajünakat yaaya?» Paashajeʼera Isaías 33:24 otta puuʼulaa nasouktai. Süchikijee piiʼiyata ekirajaaya 3.
◼ «¿Püsakirüirü paaʼin natüjaale saaʼu na ouktushiikana tü naaʼinrakat na katakana oʼu?» Paashajeʼera Eclesiastés 9:5 otta puuʼulaa nasouktai. Süchikijee piiʼiyata ekirajaaya 6.
◼ «Saaʼin pümüin ¿weʼreena soʼu wanee kaʼi na wapüshi ouktakana maʼaka nüküjüin shia Jesús suluʼu wersiikulokat tüü?» Paashajeʼera Juan 5:28, 29 otta puuʼulaa nasouktai. Süchikijee piiʼiyata ekirajaaya 7.
◼ «Saaʼin pümüin ¿kasa choʼujaaka süpüla saainjünüin tü keeʼireekat naaʼin Maleiwa saaʼu tü Mmakat maʼaka saainjünüin chaaʼaya sirumatuʼu naashin Jesús wanaa sümaa naashajaain nümaa Maleiwa?» Paashajeʼera Mateo 6:9, 10 otta puuʼulaa nasouktai. Süchikijee piiʼiyata ekirajaaya 8.
◼ «¿Ekeraajüsü maaʼulu saaʼin pümüin pütchikat tüü?» Paashajeʼera 2 Timoteo 3:1-4 otta puuʼulaa nasouktai. Süchikijee piiʼiyata ekirajaaya 9.
◼ «Wainma wayuu asakitka sünain jamüin sumojujaaka maʼin sukuwaʼipa tü mmakat. ¿Shiachejeʼe sutuma tü aküjünakat yaaya?» Paashajeʼera Alateetkat Mapeena 12:9 otta puuʼulaa nasouktai. Süchikijee piiʼiyata ekirajaaya 10.
◼ «¿Keeʼireesü paaʼin pütüjaain saaʼu süsouktia asakiraakat tüü?» Paashajeʼera Job 21:7 otta puuʼulaa nasouktai. Süchikijee piiʼiyata ekirajaaya 11.
◼ «Saaʼin pümüin ¿talatüshiijee waya sümaa wapüshi woonoole sümüin tü sümakat tü Wiwüliakat yaaya?» Paashajeʼera Éfeso 5:33 otta puuʼulaa nasouktai. Süchikijee piiʼiyata ekirajaaya 14.
Eesü süpüla püshajüin suluʼu tü karaloukta sümaajatkat waʼyataain nümüin Maleiwa nachiki na wayuu pikirajakana, wanaa sümaa püküjüin süchiki sukuwaʼipa tü ekirajawaakat, pikirajapa naya piantua otta neeʼiyatüle ayatüinjanain nekirajaain.