Aküjaa pütchi süka tü rewiisütakalüirua
La Atalaya Juunioʼu 1
«Wainma wayuu anoujaka sünain suʼunirüin naya süpüshuaʼa tü iküleesiakalüirua nünainmüin Maleiwa. ¿Müsia pünüiki? [Puuʼulaa nasouktai.] Jülüja paaʼin tü sümakat tü Wiwüliakat [paashajeʼera Josué 24:15]. Choʼujaasü wasakirüinjanain suʼunirüle waya tü iküleesia kaluʼukat waya nünainmüin Maleiwa, puusüteerü tia sünain pütchikat tüü.» Piiʼiyata tü pütchi suluʼukat süpana 12.
¡Despertad! Juunioʼu
«Eesü wayuu mmotka neema na ouktüshiikana. Saaʼin pümüin, ¿eesü süpüla naainjüin kasa mojusü wamüin? [Puuʼulaa nasouktai. Süchikijee paashajeʼera Eclesiastés 9:5, 6.] Aneerü maʼin pümüin tü sümakat pütchikat tüü. Piiʼiyata tü pütchi suluʼukat süpana 22.
La Atalaya Juulioʼu 1
«¿Isairü püchiki piyaawatüin saaʼu tü sümakat tü Wiwüliakat? [Puuʼulaa nasouktai.] Wainma wayuu alataka amüin tia. Akatsaʼa sünainjee tü sümakat wersiikulokot tüü, keeʼireesü naaʼin Maleiwa wayaawatüin saaʼu tü sümakat tü Wiwüliakat otta anainjatüin wakuwaʼipa sutuma [paashajeʼera Salmo 119:130]. Rewiisütakat tüü, süküjüin apünüinsü pütchi akaaliinjeenaka waya süpüla wainküin tia.»
¡Despertad! Juulioʼu
«Maaʼulu wainma wayuu mojuka aaʼin. Saaʼin pümüin, ¿jülüjüshiiche naaʼin Maleiwa na wayuu mojukana aaʼin? [Puuʼulaa nasouktai. Süchikijee paashajeʼera Salmo 34:18.] Rewiisütakat tüü, süküjüin eein süpüla nakaaliinjünüin nutuma Maleiwa na wayuu mojukana aaʼin, jaʼitairü choʼujaain neʼrajeʼerüin nümaa wanee tottoot. Otta süküjüin tü wanüikinjatkat süpüla watütüleʼerüin naaʼin na mojukana aaʼin.