Aküjaa pütchi süka tü rewiisütakalüirua

La Atalaya Awüriiroʼu 1

«Naashin noʼutku na ashajüliikana karaloukta nnojoishi ouktüin Jesuu maʼaka süküjüin shia tü Wiwüliakat, naashin nayakana kasaatshi otta kachonshi nia. ¿Paapüirü achiki tia? [Puuʼulaa nüsouktai] Choʼujaasü watüjaain saaʼu tü shiimainkat [paashajeʼera Juan 17:​3, NM]. Süküjüin pütchikat tüü, jamüin wanoujüinjatka sünain tü sümakat tü Wiwüliakat nüchiki Jesuu». Piiʼiyata tü pütchi suluʼukat süpana 26.

¡Despertad! Awüriiroʼu

Paashajeʼera Salmo 37:9-11 otta püsakira: «Saaʼin pümüin, ¿jameetche sukuwaʼipa tü mmakat shikeraajapa pütchikat tüü? [Puuʼulaa nüsouktai.] Aashajaasü pütchikat tüü, süchiki tü pütchi taashajeʼerüitpakat pümüin otta süküjüin jamüin joutka tü kasa mojusü eekat mmapaʼa». Piiʼiyata tü pütchi suluʼukat süpana 20.

La Atalaya Maayoʼu 1

«Püsakirüirü anain, ¿jamüin nuuʼulaka Maleiwa eein tü müliaakat? [Puuʼulaa nüsouktai.] Jülüja paaʼin jamüin süsakiria nutuma wanee ashajüi tü Wiwüliakat, tia asakiraa saainjakat wainma wayuu [paashajeʼera Salmo 10:1]. Shiiʼiyatüin rewiisütakat tüü, tü süküjakat tü Wiwüliakat süchiki jamüin nuuʼulaka Maleiwa eein tü müliaakat otta tü naaʼinrajatkat süpüla najaʼttirüin shia».

¡Despertad! Maayoʼu

«Wainma na wayuu ooʼulaweekana suulia akamüjaa, akatsaʼa kapüleein namüin shia. ¿Piʼraajüin wanee wayuu eeka ooʼulaweein suulia akamüjaa? [Puuʼulaa nüsouktai.] Eeshii na akaaliinjünakana natuma na napüshikana otta na naʼaleewainkana [paashajeʼera Eclesiastés 4:12(1)]. Puusüteerü anain suluʼu rewiisütakat tüü, waneeirua pütchi pükaaliinjeechikai aka wanee wayuu süpüla ooʼulawaa suulia akamüjaa».