Aküjaa pütchi süka tü rewiisütakalüirua

La Atalaya Ouktupüroʼu 1

«¿Piʼrüin wainmain wayuu ooʼulaaka suulia anoujaa nünain Maleiwa? Saaʼin pümüin, ¿jamüsü sülataka tia? [Puuʼulaa nüsouktai.] Shiiʼiyatüin pütchikat tüü, jamüin sülataka tia [paashajeʼera Habacuc 1:2, 3]. Aashajaasü pütchikat tüü, süchiki kojuyasü kasa amojujeʼeraka nanoula na wayuukana.» Piiʼiyata tü pütchi suluʼukat süpana 11.

¡Despertad! Ouktupüroʼu

«Wainma na apüshii alatakana amüin wainma kasachiki, ¿aashimüin? [Puuʼulaa nüsouktai.] Akatsaʼa wainmain na wayuu nnojoliikana atüjaain saaʼu eein pütchi anasü suluʼu tü Wiwüliakat akaaliinjeenaka naya süpüla nanoukteʼerüin shia, maʼaka saaʼin tü taashajeʼerüinjatkat pümüin [paashajeʼera wanee pütchi suluʼujee tü Wiwüliakat suluʼuka tü rewiisütakat]. Tü rewiisütakat ¡Despertad! süküjüin jamüin süpüla eejiraain na apüshiikana sümaa tü kasachiki alatakat namüin naainjüle tü sümakat tü Wiwüliakat.»

La Atalaya Nowienpüroʼu 1

«¿Anasü saashin tü Wiwüliakat tü shikirajakat tü iküleesiakalüirua? [Puuʼulaa nüsouktai.] Saapirüin waya tü Wiwüliakat suulia wemeejünüin [paashajeʼera Colosas 2:8]. Süküjüin rewiisütakat tüü, aipiruasü anoulaa nnojotka wanaawain sümaa tü shikirajakat tü Wiwüliakat.»

¡Despertad! Nowienpüroʼu

«Nnojoluitpa jaralüin mamaʼaneein serulaat, computador jee waneeirua kasa eeka müin aka saaʼin tia. Akatsaʼa, ¿apütaasü kaʼi wamaʼana sutuma? [Puuʼulaa nüsouktai.] Aneerü pümüin tü aküjünakat yaaya süchiki jamüinjatüin sukuwaʼipa tü kaʼikat putuma [paashajeʼera Éfeso 5:15, 16, NM]. Süküjüin rewiisütakat tüü, tü waaʼinrajatkat süpüla nnojoluin wainmaleeinya tü kaʼi wayuʼlakat süpüla tia kasakalüirua otta tü waaʼinrajatkat süpüla jülüjüin waaʼin nakuwaʼipa na waneeinnua.»