Aküjaa pütchi süka tü rewiisütakalüirua
La Atalaya Nowienpüroʼu 1
«¿Neʼrüinche na aapieekana tü kasa waainjakat? [Puuʼulaa nüsouktai.] Jülüjataa paaʼin tü sümakat tü Wiwüliakat [paashajeʼera Lucas 15:10]. Naashin Jesuu eesü süpüla sünainpünaain wakuwaʼipa na meʼrujusaliikana, shia saashajaaka achiki tia pütchikat tüü.» Piʼyataa tü pütchi suluʼukat süpana 16.
¡Despertad! Nowienpüroʼu
Paashajeʼera 2 Timoteo 3:16 otta süchikijee püma: «Saashin pütchikat tüü, shiimain tü sümakat tü Wiwüliakat, ¿jamüsüjaʼa saaʼin pümüin? [Puuʼulaa nüsouktai.] Sükajee tü alatakat sümüin tü Egipto sümaiwajatkat, shiiʼiyatüin pütchikat tüü wanaawain tü sümakat tü Wiwüliakat sümaa tü nantakat anain na ekirajaakana sünain kasa sümaiwajatü otta sümaa tü kasa alatakat sümaiwa.» Piiʼiyata tü pütchi suluʼukat süpana 15.
La Atalaya Tisienpüroʼu 1
«Wainma na wayuu anoujakana sünain eein meʼrujusalii sünainpünaaka wakuwaʼipa. ¿Jamüsüjaʼa saaʼin pümüin? [Puuʼulaa nüsouktai. Süchikijee, paashajeʼera Alateetkat Mapeena 12:7-9.] Sünain rewiisütakat tüü, puusüteerü anain jaraliin na meʼrujusaliikana, nanainpünaale naya na wayuukana otta maka eere süpüla waashajaain namaa.»
¡Despertad! Tisienpüroʼu
«¿Pütüjaa aaʼu jamüin saainjünaka miʼiraa 25 tisienpüroʼu? [Puuʼulaa nüsouktai.] Taashajeʼereein pümüin wanee pütchi suluʼujeejatü tü Wiwüliakat aküjaka süchiki wanee kasa alataka [paashajeʼera Lucas 2:8]. Saashin pütchikat tüü, nnojoishi jemein Jesuu juyapoʼu. Süküjüin rewiisütakat tüü, jalejeekualüin tü aainjünakat tisienpüroʼu.»