Aküjaa pütchi süka tü rewiisütakalüirua

La Atalaya Tisienpüroʼu 1

«Kapüleesü sümüin wanee jierü shipijüle süchonnii sümüiwaʼa, ¿aashimüin? [Puuʼulaa nüsouktai.] Saashin tü Wiwüliakat wamüliajüinjana na eʼrakana choʼujawaa [paashajeʼera Salmo 41:1]. Tü pütchi suluʼukat süpana 22, süküjüin tü waainjüinjatkat süpüla wakaaliinjüin wanee wayuu epijaka süchon sümüiwaʼa.»

¡Despertad! Tisienpüroʼu

«Wainma na wayuu makana anüiki: ‹Shiimainre eein chi Maleiwakai, ¿jamüshi nnojoika nuʼutüin naaʼin chi Yolujaakai?›. ¿Jülüjüirü paaʼin tia? [Puuʼulaa nüsouktai.] Süsouktüin tia sükajee tü Wiwüliakat tü pütchi suluʼukat süpana 10 otta 11. Otta süküjüin jameerüin nakuwaʼipa na wayuukana nuʼutünapa aaʼin chi Yolujaakai.» Paashajeʼera Alateetkat Mapeena 21:​3, 4.

La Atalaya Eneeroʼu 1

«Saashin wainma wayuu nnojotsü eejatüin tü apain kanüliakat Edén, alawaa neʼe tia. Shiimainre tia, nnojoishijaʼa mata eejachin Adán sümaa Eva. Akatsaʼa, ¿pütüja aaʼu eejanain naya naashin Jesuu? [Puuʼulaa nüsouktai. Paashajeʼera Mateo 19:​4-6.] Süsouktüin rewiisütakat tüü, soʼutku tü asakinnakat maʼin anain süchiki tia.»

¡Despertad! Eneeroʼu

Piiʼiyata süta tü rewiisütakat otta püma: «¿Jamüsüje pünüiki shiʼipajee pütchikat tüü? [Puuʼulaa nüsouktai.] Süküjüin wamüin tü Wiwüliakat anamiainjanain waya wapüshuaʼa [paashajeʼera Santiago 3:​17]. Akatsaʼa, ¿jamüsü nnojotka paaʼinwajiraain wayuu sutuma tü iküleesiakat? ¿Shieetche eeka atuma jimataa aaʼin soʼu wanee kaʼi? Asouktüsü rewiisütakat tüü shiʼipajee tia asakiraakalüirua».