Aneerü maʼin sünüiki wayuu
1. ¿Kasa maa poneetka naaʼin na jutkatakana wamaa?
1 ¿Jouja? Soʼu tü outkajawaakat eere Sotuin Waaʼin ouktüin Jesuu. Makalaka wounejaain maʼin wayuu süpüla tia. Nnojotsü neʼe keeʼireein waaʼin ponuinjatüin naaʼin tü naapajakat, ponuinjatü naaʼin tü neʼrakat. Süchikijee suʼunüin wanee wayuu sünain tia outkajawaakat, aashajaasü süchiki kamaneein napüshuaʼa na jutkatüshiikana otta aashajaasü süchiki tü outkajaalee akumajuushikat otta aaʼinmajuushika masaloui, anain shiyolojo otta wulein shia. Tia shikirajüin waya sünain waʼyataainjanain wapüshuaʼa süpüla anainjatüin nanüiki na wayuukana suʼunnaa tia outkajawaakat (Éfe. 4:16, NM).
2. ¿Jamüsü süpüla anain nanüiki watuma na jutkatüshiikana?
2 Kamanee pia namüin na ounejaaushiikana. Aneerü maʼin nanüiki na wayuukana, wasaküle naya sümaa kulematüin waya (Juan 13:35). Mayaainjeʼe iseerüin püchiki paashajaain sümaa wainma wayuu, eeshi süpüla piʼraajiraain namaa na püʼütpaʼakana (Heb. 13:1, 2). Eeja paaʼin nüpüla chi eekai müin amülouikai naaʼin, eeshi nüntüle süka naapinnüin. Eeshi süpüla pümüin nümüin: «¿Eiwaʼaiya pia yaapünawaa? «Aa» nümüle, püikkaleʼera nia pümaa otta püküja nümüin eein süpüla nüsakirüin pia sünain tü nütüjaweekat aaʼu. Pujuʼitamaatüinjachire süpüla noutkajaainjanain na waneeinnua wawalayuukana, eeshi süpüla pümüin nümüin: «Tatüjawee aaʼu jamüin saaʼin pümüin tü outkajawaakat: ¿Jamüsüche sukuwaʼipa süpüla weʼrajiraain wachikuaʼa?».
3. ¿Kasa eeka süpüla waainjüin süpüla anain naaʼin na eemiajaakana anoula?
3 Kamanee pia namüin na eemiajaakana anoula. Eeshii süpüla nantüin na eemiajaakana anoula maʼaka naaʼin na antawaikana neʼe sünain tia outkajawaakat. Püsaka naya otta natüjaainjatü aaʼu talatüin pia süka piʼrüin naya (Roma 15:7). Jee müshiʼiya na laülaashiikana, eeshii süpüla nawaraijaain naaʼu süpüla natütüleʼerüin naaʼin süpüla ayatüinya noutkajaain. Oʼuraajüshii maʼin waya süpüla naʼwaajeein Maleiwa na jutkatüshiikana sükajee naapüin otta neʼrüin ‹waaʼinrüin waneepia tü kasa anasükat noʼupala› (1 Ped. 2:12).