Kamanee maʼin waya namüin na antakana

¿Jaralii na kamaneeinjanakana amüin waya? Namüin napüshuaʼa na antakana sünain tü outkajawaakat, jaʼitainna jekenain otta kakaliainnain naya sünain outkajawaa (Ro 15:7; Heb 13:2).a Eeshi niale wanee wawala suluʼujeejachi wanee mma naata jee niale wanee wawala eemiajaakai anoula kakaliaichika moutkajaain. ¿Jameerü paaʼin piale müin akuwaʼipa? Talateechi pia sünainjee kamaneein na wawalayuukana pümüin, ¿aashimüin? (Mt 7:12). Müsüjeseʼe anain maʼin warütkaale nanainmüin napüshuaʼa na wawalayuukana süpüla wasaküin naya süpülapünaa otta süchikijee tü outkajawaakat. Anasü naaʼin na wawalayuukana sutuma tia otta aijiraashii naya (Mt 5:16). Eepejeʼe süpüla nnojoluin waashajaain namaa napüshuaʼa na outkajaashiikana. Aneepejeʼe naaʼin na waneeinnua sünain tü outkajawaakat müleka wasaküle naya.

Kamaneeinjana waya waneepia, nnojotsü waaʼinrüinjatüin neʼe tia sünain tü outkajawaakat eere sotuin waaʼin ouktüin Jesuu. Neʼrüle na wayuukana tia waainjakat, kamalainjeerü namüin naʼwaajüin Jeʼwaa otta anoujeena naya wamaa (Jn 13:35).