Wuleinjatü nünülia Maleiwa
1. ¿Kasaichi sünülia tü outkajawaa miyoʼu piamakat kaʼi oʼtteetka settienpüroʼu 2011? ¿Jalejeesü ayuʼnnüin shia?
1 Eʼraajünüshii waya süka tü nünüliakat Jeowa soʼujee maʼin juyaka 1931, wanaa sümaa weʼraajünüin süka tü anülieekat: na aküjüliikana pütchi nüchiki Jeowa. Niaʼaya neʼe keʼinaajalaka wanain tia anülieekat (Isa. 43:10). Müshia Jesuu, kojutüsü maʼin nümüin nünülia chi Nüshikai müsüjeseʼe palajanain shia nutuma sünain tü oʼuraajaa niʼitaakat (Mat. 6:9, NM). Sünülia tü outkajawaa miyoʼu piamakat kaʼi oʼtteetka settienpüroʼu 2011 shia: «Wuleinjatü nünülia Maleiwa», sünainjeejatü shia tü oʼuraajaa niʼitaakat Jesuu.
2. ¿Kaseerü ekirajaanaka anain sünain tü outkajawaa miyoʼukat?
2 ¿Kaseerü ekirajaanaka anain? Sünain tü pütchikat «Waʼyataa waneepia nümüin Maleiwa sünain eʼraajiraa nünülia», ekirajaaneerü anain jamüin talataka waya sutuma aʼyatawaakat tia, saawanoʼuleerü shia. Tü kojuyasü pütchi kanüliakat «Nnojo waʼyarülajüin nünülia Jeowa», sükaaliinjeena waya süpüla nnojoluin wemeejünüin süka pienchisü kasa joutka maʼin. Otta müsia sünain tü pütchikat «¿Jamüsü wuleinjatka nünülia Maleiwa?», wekirajaweerü anain kasain anainjatüin atuma waʼyataain nümüin Maleiwa otta waküjüinjanain atuma pütchi mayaainjeʼe nnojoluin kasajatüin shia sümüin wayuu. Rimiinkoʼu, eejeerü pienchisü pütchi eere süküjüneerüin wamüin tü waainjüinjatkat süpüla wulein nünülia Maleiwa watuma sükajee tü jülüjakat waaʼin, tü wanüikipalakat, tü waneekakat otta tü wakuwaʼipakat. Kamalainjeerü maʼin namüin na jekennuukana naapajüin tü pütchi süpülajatkat wayuu süpüshuaʼa, kanüliaka «Wuleerü nutuma Jeowa tü nünüliakat soʼu Armagedón».
3. ¿Kasa waaʼinrajatka maʼin? Kasa sükaaliinjeenaka anain waya tü ekirajaanajatkat anain?
3 Alüʼütsü süpüla wulein nutuma Jeowa tü nünüliakat (Eze. 36:23). Akatsaʼa eein wanee kasa waaʼinrajatka maʼin sümaʼinruʼu tia, waaʼinmajüinjatü süpüshuaʼa tü kasa sünainpünaakat tia anüliee wulekat maʼin. Tü ekirajaanajatkat anain sükaaliinjeena maʼin waya süpüla ayatüinya weʼraajünüin süka nünülia Jeowa.