Los testigos de Jehová: una historia de fe viva. Parte 1: Salen de la oscuridad
Suluʼu tü Wiwüliakat tü luusakat wanaawasü sümaa tü shiimainkat jee tü piyuushikat wanaawasü sümaa tü alawaakat (Sal. 43:3; Isa. 5:20). Piyuushoʼusü tü wayuukalüirua soʼujeʼereʼeya shimeejünüin Eva nutuma Satanaa. Müsia neʼe maaʼulu sukuwaʼipa tü wayuukalüirua (Alat. Map. 12:9). Tü peliikulakat Los testigos de Jehová: una historia de fe viva. Parte 1: Salen de la oscuridad süküjüin joujatüin maʼin sujuʼitüin tü wayuukalüirua suulia tü piyuushikat (Isa. 60:1, 2). Süchikijee piʼrajüin shia, püsoukta shiʼipajee tü asakinnakat anain.
1) ¿Jamakuwaʼipat piyuushoʼuin tü wayuukalüirua sünain tü sunoulakat ouktapa na aluwataaushiikana? 2) Soʼujee siglo XII, ¿kasa shiyaawataka atuma wayuu alawaain tü shikirajakat anain tü iküleesiakalüirua? 3) ¿Jarai chi Henry Grew münakai? ¿Jarai chi George Storrs münakai? 4) ¿Kasa alataka nümüin Charles Russell jintüliiwaʼaya nia? 5) ¿Kasawai naainjaka chi wawalakai Russell nümaa chi nüshikai otta na naʼaleewainkana süpüla nekirajaain sünain tü Wiwüliakat? ¿Kasakaʼa nayaawatüin aaʼu? 6) ¿Jamakuwaʼipai kottiraain Russell nümaa Nelson Barbour sünain ekirajawaa sünain tü Wiwüliakat? ¿Kasa nakatajiraaka aaʼujee? 7) ¿Kasa alataka juulioʼu 1879? 8) ¿Kasakaʼa naainjüin na Ekirajaaliikana sünain tü Wiwüliakat süpüla sütüjaanüin aaʼu tü shiimüinkat wattapünaa? 9) ¿Kasa alatüinjatka naküjainruʼu soʼu 1914? 10) Ouktapa chi wawalakai Russell, ¿kasa eejiraaka amaa na Ekirajaaliikana sünain tü Wiwüliakat? 11) ¿Kasa naainjaka na Ekirajaaliikana sünain tü Wiwüliakat taashipa chi wawalakai Rutherford namaa na nuwalayuukana? 12) ¿Jamüsü kooʼomüinka naalii püpüla na nuʼunirakana Jeowa sükajee tü nütchinkat sutuma piʼrajüin tü peliikulakat? 13) Sükajee piʼrajüitpain tü peliikulakat, ¿jamüshi nnojoika puuʼulaweein suulia aküjaa pütchi mayaapejeʼe kapüleein shia? 14) ¿Jamüinjatü nakaaliinjia putuma na püpüshikana, na pikirajüinkana otta waneeinnua wayuu sükajee tü peliikulakat?
¡Anasü maʼin tü akuwaʼipaa neʼipünaakat wapüla na Ekirajaaliikana sünain tü Wiwüliakat! Mayaapejeʼe saʼakain naya wayuu piyuushoʼuka sünain anoujaa, meimmoluinsalii naya sümaa keeʼireeshaatain naaʼin naküjüin tü shiimainkat. Washata nakuwaʼipa süpüla ayatüin waya ‹nuwaraloʼuin Maleiwa› (Éfe. 5:8).