Süpülajatü wayuu süpüshuaʼa jw.org
Nuluwataain waya Jesuu sünain waküjüinjatüin süchiki nukuwaʼipa Maleiwa sünain aluwatawaa «sainküin mmakat süpüshua süpüla saapünüinjatüin sütüma wayuu süpüshua» (Mat. 24:14). Sümaiwa paala shiapuʼu suluʼuka Internet watchtower.org, jw-media.org otta jw.org. Tia apünüinsükalüirua kasa, suluʼuitpa shia jooluʼu jw.org (2 Tim. 4:5).
«Sainküin mmakat süpüshua.» Eeshii maʼaka 2.000 miyoone wayuu eekana süpüla nachajaain kasa suluʼupünaa Internet. Jalouisü shia namüin na wayuukana jee müsia jalouireesia joo shia namüin na jimaʼaliikana sümaa tü majayünnüükat, tia sükaaliinjüin naya süpüla natüjaain saaʼu wainma kasa. Anasü maʼin jw.org süka natüjaajeerüin saaʼu na wayuukana wainma kasa suluʼujee tü Wiwüliakat. Neʼraajeerü kasain naaʼinrüin na wayuu suluʼukana nupueulose Jeowa. Tü wanee eekat süpüla naainjüin na wayuukana shia, naküjüin nekirajaweein sünain tü Wiwüliakat namaa na aküjüliikana pütchi nüchiki Jeowa, nnojoleerü achekajünüin namüin saaʼu nekirajünüin. Aainjünüsü jw.org süpüla saapüinjatüin wayuu süchiki tü pütchi anasükat eere nnojoyülüin süküjünüin pütchi nüchiki Maleiwa.
«Saapünüinjatüin sütüma wayuu süpüshua.» Süpüla saapünüinjatüin sutuma «wayuu süpüshua» tü pütchi suluʼukat tü Wiwüliakat, acheküsü süküjünüinjatüin suluʼu wainma anüikii watuma wayakana Aküjüliikana Pütchi nüchiki Jeowa. Müsüjeseʼe eeirüpain suluʼu jw.org maʼaka 400 pütchi suluʼuka naata anüiki, nnojotsü kasain eein suluʼu Internet wanaawaka sümaa tia.
Anainjatü sukuwaʼipa putuma. Nnojotsü süpülajatüin neʼe süküjünüinjatüin pütchi namüin na wayuukana namüiwaʼa jw.org, napülajatü shiaʼaya na aküjüliikana pütchi nüchiki Jeowa. Müleka eere pümaʼana Internet, anasü pünaʼlaale kasain eein suluʼu jw.org. Jooluʼu, wekirajaainjatü anain jamüinjatüin sukuwaʼipa watuma jw.org.a
[Pütchi]
a Nnojoleerü eein suluʼu wayuunaiki süpüshuaʼa tü kasa eekat suluʼu jw.org ekirajaanüinjatka anain jooluʼu suluʼu tü wanee ekirajaayakalüirua.
[Epiikürape suluʼu süpanaka 3]
Puuʼulakapan
1 Püshaja www.jw.org/guc sünain tü süpülajatkat achajawaa suluʼu Internet, tia suʼttiajeesü.
2 Piʼitaa clic sünain tü pikirajaweekat anain maʼaka tü jaʼyakat sünain tü oʼuyaakuakat.
3 Püchajaa jw.org suluʼu tü püserulaatsekat. Müleka miyoʼule tü püserulaatsekat, miyoʼujeerü tü oʼuyaakuakat, joʼuuchonle shia, joʼuuchonjeerü tü oʼuyaakuakat suluʼu. Ayateerüpajaʼaya neʼe piʼrüin tü pikirajaweekat anain.