Waküja pütchi süka jw.org: «Hazte amigo de Jehová»

Suluʼu jw.org, eesü wanee pütchi «Enseñanzas bíblicas» münüsü, eʼitaanüsü yala tü napülajatkat na tepichikana, «Hazte amigo de Jehová» makat. Eʼitaanüsü video, jayeechi otta waneeirua kasa. Weeʼiyata tia paajinakat waküjapa pütchi namüin na wayuukana. Tepichiyüliire nachonnii na wekirajüinkana, weeʼiyata shia namüin, kamaʼa nachajaajeerüle waneeirua pütchi suluʼu tia paajinakat.

Eeshi wanee wawala aküjüshi pütchi sümüin wanee wayuu süka tü karalouktakat Pütchi süchiki Nuluwataaya Maleiwa nuumero 38. Tepichiyülii süchonnii tia wayuukot. Shiasaʼa mapa, saashajeʼeramaatüin tü karalouktakat otta natüjawee aaʼu na tepichikana tü suluʼukat. Nüküjakalaka chi wawalakai kasain saashajaain achiki tia karalouktakat otta niiʼiyatüin napaajinase na Aküjüliikana pütchi. Sutuma kamalain maʼin tia sümüin tü wayuukot, niiʼiyatüin suluʼu nüserulaatse chi wawalakai wanee video nüchiki Caleb.

Eesü wanee wawala aküjüsü pütchi süka jw.org sümüin wanee wayuu tepichiyülii süchonnii. Süküjüin suusüteerüin tü wayuukot sooʼomüin pütchi aneetka atuma sukuwaʼipa sümaa süpüshi. Shiʼrajaaka tü wayuukot namaa na süchonniikana tia paajinakat. Süküjaka sümüin tü wawalakat neeʼirajüin maʼin na tepichikana tü jayeechikat «Predica la palabra», tü eʼitaanakat suluʼu tü pütchikat «Hazte amigo de Jehová».

Anasü wanaʼlawaire tü kasa eʼitaanakat suluʼu jw.org otta wadescargaajüle tü videokalüirua, tü jayeechikalüirua otta waneeirua kasa. Waaʼinrüle tia, yapeena waya süpüla waküjüin pütchi süka jw.org otta ayateena aʼyataain waya nümüin chi Senyotkai (Aluw. 20:19).