Süpüshi tü wanüikinjatkat

Suʼttia shikirajia wayuu peʼureeroʼu soʼu palajatka saawanoʼu

«Saashin wainma wayuu nia shikiishikai chi Yolujaakai tü kasa mojusü alatakat. ‹Nia kakumainka Maleiwa chi Yolujaakai› müshii na wayuukana, eeshii na wayuu nnojoliikana atüjaain saaʼu jarülin akumajüin joo niaʼaya. ¿Jamüsüjaʼa pünüiki süchiki tia münakat? [Puuʼulaa nusouktai.] Anashaatasü maʼin tü sümakat pütchika yaʼayaa.» Piiʼiyata nümüin tü sümakat tü pütchi süsapoʼujeekat Aapiria Wayuu ojuʼitaka peʼureeroʼu 1, pikiraja nia süka tü palajatkat sünüliachen otta tü ashajünakat suluʼu tü Wiwüliakat. Paapa tü rewiisütakat otta püküja püleʼejeechin süpüla pikirajüin sünain tü wanee asakiraakat.

Aapiria Wayuu Peʼureeroʼu 1

«Paapüirü nüchiki Moisés wanee wayuu nümaiwajachi, aʼyataai nümüin Maleiwa. Chia wayuukai kojutshi namüin na judíokana na musulmanekana jee na wayuu anoujüshiikana nünain Kürisüto. [Puuʼulaa nusouktai]. Anashaatasü tü sümakat tü Wiwüliakat nüchiki Moisés mayaainjeʼe nnojoluin niain wanee wayuu lotokoi maʼin akuwaʼipa [paashajeʼera Deuteronomio 34:10-12]. Eesü apünüinsü kasa washateetka nünainjee Moisés saashin rewiisütakat tüü.»

¡Despertad! Peʼureeroʼu

«Eeshii na wayuu oʼunakana suluʼumüin wanee mma naatajatü shiyaaluʼu anainjatüin nakuwaʼipa. ¿Shimüinchejeʼe anain nakuwaʼipa suluʼu tia mma noʼunakalü aluʼumüin? [Puuʼulaa nusouktai.] Ashajünüsü suluʼu tü Wiwüliakat nachiki wayuu akolojookana suluʼumüin wanee mma naatajatü. Taashajeʼerüin paala pümüin nüchiki wanee wayuu yaa suluʼu tü Wiwüliakat [paashajeʼera Génesis 46:5, 6]. Ekirajaana anainrü kojuyasü asakiraa suluʼu rewiisütakat tüü.» Piiʼiyata nümüin tü asakiraa sajaʼttiamüinkat tü süpanakat 6.