Süpüshi tü wanüikinjatkat

Suʼttia shikirajia wayuu pewüreeroʼu soʼu palajatka saawanoʼu

«¿Eeshiiche wanee wayuu nüneekaka Jeowa süpüla nupueulosein? [Puuʼulaa nüsouktai, paashajeʼera Génesis 22:18.] Jülüjataa paaʼin tü münakat nachiki wanee wayuu nüneekaka Maleiwa». Piiʼiyata La Atalaya ojuʼitaka pewüreeroʼu 1 otta pikiraja süka tü palajatkat sünüliachein pütchi suluʼuka süpüna 16 jee paashajeʼera waneesiaakaijeʼe pütchi suluʼujee tü Wiwüliakat. Paapa tü rewiisütakat otta püküja püleʼejeechin süpüla pikirajüin sünain tü wanee asakiraakat.

La Atalaya Pewüreeroʼu 1

«Aküjünüsü wainma kasa maaʼutpünaa süchiki Armagedón. ¿Eesüche süpüla nawüinjeʼerüin tia na wayuukana? [Puuʼulaa nüsouktai.] Jülüja paaʼin jalejeekualüin tü pütchikat Armagedón [paashajeʼera Alateetkat Mapeena 16:​16, piiʼiyata süta tü rewiisütakat.] Süküjüin rewiisütakat tüü sükajee tü Wiwüliakat süsouktia türa asakiraakalüirua.»

¡Despertad! Pewüreeroʼu

«Anasü maʼin namüin na wayuukana aashajaajirawaa suluʼupünaa Internet. Akatsaʼa, ¿eesüche süpüla sumojujüin wakuwaʼipa? [Puuʼulaa nüsouktai.] Wainma pütchi suluʼuka tü Wiwüliakat aneetka atuma wakuwaʼipa. [Piiʼiyata süpana 6-9, püneeka waneesia asakiraa süpüla pikirajüin süka sümaʼaleʼeya tü pütchi suluʼujeejatkat tü Wiwüliakat.] Sükaaliinjeechi pia rewiisütakat tüü süpüla nnojoluin sumojujüin pukuwaʼipa tü aashajaajirawaakat suluʼupünaa Internet.»