Süpüshi tü wanüikinjatkat

Süpüla waapirüin na wayuukana sünain tü outkajawaakat eere sotuin waaʼin ouktüin Jesuu

«Jamayaa pia. Anuu wanee karaloukta tasülajüinjatü pümüin, süpüla puʼunüin sümaa püpüshi sünain wanee outkajawaa aainjünawaikat uatua süpüla juyakat, tia outkajawaakat aainjüneerü maatsoʼu 26. Soʼu tia kaʼikat, aainjüneerü tia outkajawaakat sainküin mmakat süpüla sotuinjachin waaʼin ouktüin Jesuu waaʼu. Aküjüneerü wamüin sünain tia outkajawaakat waneeirua kasa anaka atuma wakuwaʼipa saaʼujee ouktüin Jesuu waaʼu. Nnojoishii waya achekajüin nneerü saaʼu juʼunüinjanain sünain tü outkajawaakat, sünain tü karalouktakat, ashajünüsü sünülia jalainjatüin tü outkajawaakat jee müsia tü oora suʼttüinjatkat oʼu.»

Aapiria Wayuu Maatsoʼu 1

«Eeshii wayuu atüjaweekana saaʼu shiimainrejeʼe nüsoʼiraain aaʼin Jesuu. ¿Jamüsüjaʼa pünüiki süchiki tia? [Puuʼulaa nusouktaiwa.] Choʼujaashaatasü watüjaainjatüin saaʼu tia alatakat nümüin Jesuu. Süküjüin pütchikat tüü, jamüin choʼujaaka watüjaainjatüin saaʼu tia [paashajeʼera 1 Corinto 15:14]. Ashajünüsü suluʼu karalouktakat tüü, sünain shiimain nüsoʼiraain aaʼin Jesuu süchiki ouktüin paala nia.»

¡Despertad! Maatsoʼu

«Kapüleesü maʼin epijaa tü tepichikalüirua maaʼulu yaa ¿aashi müin? [Puuʼulaa nusouktaiwa.] Suluʼu tü Wiwüliakat wainma tü kasa anasü aneetkat atuma nepijia na tepichikana, jalouisü maʼin tia namüin na wayuu kachoinkana naashajeʼerapa shia. Tü pütchi taashajeʼerüinjatka pümüin, anasü shia süpüla pütalateʼerüin naaʼin na püchonniikana jee müsia anasü shia süpüla nayaawatüin saaʼu kojutüin naya amüinyüü [paashajeʼera Colosas 3:21]. Suluʼu karalouktakat tüü, ashajünüsü jaʼraisü kasa akaaliinjeenaka na wayuu kachoinkana süpüla anain nepijia na tepichikana natuma.»