Süpüshi tü wanüikinjatkat

Pünüikinjatka süpüla puunejaain na wayuukana

«Jamayaa pia. Tounejaweein pia sünain wanee outkajawaa eeinjateetka aaʼuriiroʼu 3. Watteena naalii na wayuu arütkaweenakana sünain tü outkajawaakat eere Sotuin Waaʼin ouktüin Jesuu waaʼu. Yala, aküjüneerü wamüin jamüin anaka wakuwaʼipa sünainjee naapajiraain nikii Jesuu waaʼu. Piʼreerü suluʼu karalouktakat tüü, jalapüshinjatüin jee jalainjatüin tia outkajawaakat.»

Aapiria Wayuu Maatsoʼu 1

«Outkajaweena waya aaʼuriiroʼu 3 süpüla Sotuin Waaʼin ouktüin Jesuu waaʼu. Wainmeena na cheenakana sünain tia outkajawaakat. Eepajaʼa chira wayuu eekai nümüin nnojoluin kasain saamüin wamüin tü naainjakat Jesuu wapüleerua. ¿Shiimainchejeʼe anainya tü wakuwaʼipakat saaʼujee ouktüin Jesuu saaʼu waainjala? ¿Jamüsüjaʼa pünüiki süchiki tia? [Puuʼulaa nusouktai.] Piirakaa sümüin tü sümakat tü Wiwüliakat süchiki tia. [Paashajeʼera 1 Corinto 15:​22, 26.] Suluʼu rewiisütakat tüü, aküjünüsü wamüin kateerüin noʼu waneepia na wayuukana saaʼujee ouktüin Jesuu naaʼu otta yaajeena kepiain naya mmapaʼa.»

¡Despertad! Maatsoʼu

«Yaapünaashiire waya eitajüin tü rewiisütakat ¡Despertad!, ojuʼitaka soʼu kashikat tüü [Piiʼiyata nümüin tü rewiisütakat.] Eeshii wayuu eekai manoujain otta eeshii eekai nunoujain sünain eein chi Maleiwakai. ¿Jaraliiche, saaʼin pümüin, na aʼatapajakana aneerüin nakuwaʼipa watta kaʼi? ¿Nayache na nnojoliikana anoujain sünain eein chi Maleiwakai, nayataapa na anoujakana sünain eein chi Maleiwakai? [Puuʼulaa nusouktai.] Taashajeʼerüin paa pümüin tü sümakat tü Wiwüliakat süchiki wanee kasa akatchinraka saaʼin wayuu. [Paashajeʼera Salmo 37:​10, 11.] Suluʼu rewiisütakat tüü, aküjünüsü wamüin pienchisü kasa wanoujaka anain sünain eein chi Maleiwakai.»