Wekiraja na wekirajüinkana sükajee tü peliikulakalüirua
Süpüla niyaawatüin Abrahán otta Jeremías saaʼu tü pütchi nümakat Jeʼwaa namüin waneʼewai nakua, nnojotsü nüküjüin neʼe shia namüin, niiʼiyataleeinya wanee shiyaawase (Gén. 15:5; Jer. 18:1-6). Müshia wayakana eeshii süpüla wanajüin saaʼu wanee peliikula namaa na wekirajüinkana süpüla nayaawatüin saaʼu tü süküjeekat tü Wiwüliakat otta kojutüin shia namüin. Sünain tü pütchi aküjünüinjatkat yaʼayaa, wekirajaajeerü anain jamüinjatüin sukuwaʼipa watuma tü peliikulakat. Tüü shia wanee pütchi aküjünakat neʼe wamüin, watüjaa aaʼu nnojoluin wanaawain nakuwaʼipa na wekirajüinkana.
Karaloukta Kasa shikirajaka
◻ Ekirajaaya 1: Süchikijee tü pütchikat 17, jünaja saaʼu tü peliikulakat Las maravillas de la creación revelan la gloria de Dios.
◻ Ekirajaaya 2: Kettaapa shia, jünaja saaʼu tü peliikulakat La Biblia: el libro más antiguo y actual.
◻ Ekirajaaya 9: Süchikijee tü pütchikat 14, jünaja saaʼu tü peliikulakat Los testigos de Jehová: organizados para predicar las buenas nuevas.
◻ Ekirajaaya 14: Kettaapa shia, jünaja saaʼu tü peliikulakat La Biblia: el poder que ejerce en su vida.
◻ Ekirajaaya 15: Süchikijee tü pütchikat 10, jünaja saaʼu tü peliikulakat Toda nuestra asociación de hermanos.
Karaloukta «Ayata alin jüpüla Maleiwa»
◻ Ekirajaaya 3: Süchikijee tü pütchikat 15, jünaja saaʼu tü peliikulakat Los jóvenes preguntan... ¿Cómo conseguir amigos verdaderos?
◻ Ekirajaaya 4: Kettaapa shia, jünaja saaʼu tü peliikulakat Respetemos la autoridad de Jehová.
◻ Ekirajaaya 7: Süchikijee tü pütchikat 12, jünaja saaʼu tü peliikulakat La negativa a la sangre. La medicina acepta el reto.
◻ Ekirajaaya 9: Süchikijee tü pütchikat 6, jünaja saaʼu tü peliikulakat Ejemplos amonestadores para nuestros días.
◻ Ekirajaaya 17: Kettaapa shia, jünaja saaʼu tü peliikulakat “Andamos por fe, no por vista”.
Eesüjaʼa shiale anain nümüin wanee wekirajüin wanajüle saaʼu waneeirua peliikula nümaa. Jamüshijaʼa eere wanee wekirajüin müliaka sutuma süpüleeruaanüin naaʼin, eesüjaʼa süpüla sütütülaain naaʼin sükajee tü peliikulakat Fieles ante las pruebas. Los testigos de Jehová de la Unión Soviética otta Los testigos de Jehová se mantienen firmes ante el ataque nazi. Jimaʼaire chi wekirajüinkai jee majayürüle shia, aneerü namüin tü peliikulakat Vayamos tras metas que honran a Dios otta Los jóvenes preguntan... ¿Qué haré con mi vida? Washajeein sünain tü wakaralouksekat Kasa shikirajaka otta «Ayata alin jüpüla Maleiwa» jouja anain süpüla wanajüin saaʼu wanee peliikula namaa na wekirajüinkana jee shiale waʼanapirüin namüin. Sujuʼitüle wanee peliikula jeketü, wachajaainjatü sukuwaʼipa süpüla wanajüin saaʼu namaa na wekirajüinkana süpüla süntüin suluʼumüin naaʼin tü shikirajakat anain (Luc. 24:32).