Süpüshi tü wanüikinjatkat

Suʼttia shikirajia wayuu juunioʼu soʼu palajatka saawanoʼu

«Keeʼireesü naaʼin na wayuukana eein tü jimataakat aaʼin, akatsaʼa joutchaatain tü atkawaakat sainküin tü mmakat. ¿Jamüsüche nnojotka nainküin na wayuukana tia jimataakat aaʼin?» Süchikijee nüsouktüin, piiʼiyata nümüin tü pütchi eekat süsapoʼujee tü rewiisüta Aapiria Wayuu ojuʼitakat juunioʼu 1 otta pikirajaa nümaa süka tü palajatkat asakiraa jee paashajeʼera waneeshiaakaijeʼe pütchi suluʼujee tü Wiwüliakat. Paapa tü rewiisütakat otta püküja püleʼejeechin süpüla pikirajüin sünain tü wanee asakiraakat.

Pütchi: Pütchikat tüü, eeʼiyatünajatü sünain tü outkajawaa aainjünajatkat süpülapünaa ojuʼitaa sünain aküjaa pütchi juunioʼu soʼu tü palajatkat saawanoʼu.

Aapiria Wayuu Juunioʼu 1

«Yooteeshii waya motsomüin pümaa soʼu kaʼikat tüü, süchiki wanee kasa weʼraka maʼin maaʼulu. Eesü mojuirüle pütchi wamüin sutuma naatain woumain otta weʼiruku. ¿Eesüche wanee mma eere nnojoluin mojuin pütchi sümüin wayuu sutuma naatain suumain jee shiʼiruku? ¿Jamüsü saaʼin pümüin tia? [Puuʼulaa nüsouktai.] Anasü müleka watüjaale saaʼu sünain nnojoluin müin nukuwaʼipa Maleiwa, piirakaa tü sümakat yaʼayaa [paashajeʼera Aluwataaushikana 10:34]. Karalouktakat tüü, süküjüin nnojoleerüin mojuin pütchi sümüin wayuu sutuma naatain suumain jee shiʼiruku. Najaʼttireerü Maleiwa tia.»

¡Despertad! Juunioʼu

«Wapüshuaʼa wayakana keeʼireesü waaʼin anainjatüin maʼin tü wakuwaʼipakat, ¿aashimüin? Tasakirüin paala pia, ¿aneetche wakuwaʼipa sutuma wayaʼlajüin wainma kasa wamüin? [Puuʼulaa nüsouktai.] Jülüjeesü waaʼin tü wakuwaʼipakat sünain tü nümakat Jesuu wamüin [paashajeʼera Lucas 12:15]. Karalouktakat tüü, süküjüin wamüin süchiki nnojoluinjatüin kachiiruain maʼin waaʼin wainmeein kasa wamaʼana otta süküjüin wamüin jamüinjatüin wakuwaʼipa süpüla nnojoluin wakataajüin nneerü sünain ayaʼlajaa wainma kasa.»