Süpüshi tü wanüikinjatkat

Suʼttia shikirajia wayuu juunioʼu soʼu palajatka saawanoʼu

Paashajeʼera Isaías 42:8 jee maa pünüiki: «Kanüliashi Maleiwa saashin tü pütchi waashajeʼerüitpakat. ¿Jamüsü choʼujaaka saaʼin pümüin wachuntüin nünülia Maleiwa? [Puuʼulaa nüsouktai.] Jülüja paaʼin tü sümakat rewiisütakat tüü». Piiʼiyata La Atalaya ojuʼitaka juunioʼu otta pikiraja süka tü palajatkat sünüliachein pütchi suluʼuka süpana 16. Paapa tü rewiisütakat otta püküja joujainjachin püleʼejüin süpüla pikirajüin sünain tü wanee asakiraakat.

La Atalaya Juunioʼu 1

«Sünainjee tü pütchi aküjünakat süchiki tü Wiwüliakat [piiʼiyata tü pütchi suluʼukat süpana 3], ¿jarat pansaaka amaa paaʼin? [Puuʼulaa nüsouktai.] Müsü sünüiki tü Wiwüliakat [paashajeʼera Roma 15:4]. Shiiʼiyatüin rewiisütakat tüü jaʼraisü kasa naataka atuma tü Wiwüliakat jee süküjüin wamüin tü waaʼinrajatkat süpüla anainjatüin wakuwaʼipa sutuma.»

¡Despertad! Juunioʼu

«Wainma wayuu ayuuika juyawai sutuma shiküin eküülü mojuka süpüla ekünaa. ¿Anasüche saaʼin pümüin tü eküülü wekakat maaʼulu? [Puuʼulaa nüsouktai.] Süküjüin rewiisütakat tüü pienchisü kasa waaʼinrajatka süpüla nnojoluin ayuulin wapüshi sutuma tü eküülü wekakat. Jee süküjüin tü sümakat tü Wiwüliakat süchiki wainmeerüin maʼin eküülü anasü.» Paashajeʼera Salmo 104:​14, 15.