Pikiraja püchonnii süka tü suluʼukat jw.org
1. ¿Kasa eeka suluʼu «Enseñanzas bíblicas/Niños» suluʼuka jw.org?
1 Süpülajatü wayuu süpüshuaʼa tü eʼitaanakat suluʼu jw.org. Jamüsüjaʼa piʼitaale clic sünain «Enseñanzas bíblicas/Niños», puusüteerü anain wainma pütchi akaaliinjeechikai pia süpüla aleewain maʼin pia namaa püchonnii otta nümaa Jeʼwaa (Deut. 6:6, 7). ¿Kasa paaʼinrajatka süpüla pikirajüin püchonnii süka?
2. ¿Kasa paaʼinrajatka süpüla pütüjaain saaʼu jaralüin tü pütchi pikirajüinjatkalü aka püchonnii?
2 Tü pütchi pikirajüinjatkalü aka. Naatawai nakuwaʼipa na tepichikana (1 Cor. 13:11). ¿Kasakaʼa paaʼinrajatka süpüla pütüjaain saaʼu jaralüin tü pütchi pikirajüinjatkalü aka püchonnii? Jülüjüinjatü paaʼin tü nouyasekat otta kasain wayuu tü kamalainkat namüin. Pütüjaainjatü aaʼu jaralüin tü pütchi mapüleekat süpüla nayaawatüin saaʼu otta jeʼrainjatüin minuuto pülatirüinjatka sünain pikirajüin naya. Jamüsüjaʼa tü pütchikat «Mis primeras lecciones de la Biblia» suluʼuka jw.org, napülajatü na joʼuuyuukana. Anasü maʼin süpüla pikirajaain namaa püchonnii nachiki na wayuu saashajaakana achiki tü Wiwüliakat eʼitaanaka suluʼu «De padres a hijos». Wekirajaa sünain sooʼomüin tü pütchi wousütakalü anain suluʼu jw.org.
3. ¿Kasa paaʼinrajatka süpüla pikirajüin püchonnii süka tü pütchi suluʼuka «Ideas para la adoración en familia»?
3 «Ideas para la adoración en familia». Yala, aküjünüsü tü naaʼinrajatkat chi wayuu laülaakai saaʼu nüpüshi. Piʼitaa clic sünain “Descargar” otta pikirajaa sünain «Guía para los padres». Yala, aküjünüsü tü paaʼinrajatkat süpüla pikirajüin na tepichikana süchiki nakuwaʼipa na wayuu saashajaakana achiki tü Wiwüliakat. Pikiraja na püchonnii joʼuuyuukana sükajee tü ayaakuaa eekat suluʼu, maʼaka saaʼin tü ayaakuaa epintajünüinjatkat. Otta eeshii süpüla pikirajüin na püchonnii jaʼapüinnakana sükajee tü suluʼukat «proyecto de investigación». Müle sukuwaʼipa putuma, kotteena jia jüpüshuaʼa jipialuʼu sünain ekirajawaa.
4. ¿Kasa eeka suluʼu «Hazte amigo de Jehová»?
4 «Hazte amigo de Jehová». Eeshii süpüla nekirajüin na wayuukana nachonnii sünain tü Nünüikikat Maleiwa sükajee tü videokot, tü jayeechikat otta tü aainjünajatkat suluʼu jw.org (Deut. 31:12). Wainma tü kasa shikirajakalü anain na tepichikana tü video akumajünakat napüla otta tü pütchi suluʼukat «actividades». Kamalainsü maʼin namüin na tepichikana eeʼirajaa. Otta müsia, sotusü naaʼin tü shikirajakalü anain naya tü jayeechikat. Eʼitaanawaisü suluʼu jw.org jayeechi aashajaaka süchiki Nuluwataaya Maleiwa otta tü napülajatkat na tepichikana.
5. ¿Jamüshii nachuntajanaka kaaliinwaa nümüin Jeʼwaa na kachonniikana?
5 Keeʼireesü maʼin naaʼin Jeʼwaa jüpüleerua ayatüinjanain jikirajüin na jüchonniikana sünain tü shiimainkat süpüla anain nakuwaʼipa. Juchunta maʼin kaaliinwaa nümüin (Juec. 13:8). Jikirajüle na jüchonniikana, ‹kekiijeena jutuma süpüla noʼtteʼennüin sünainjee nanoujüin nünain Jesucristo› (2 Tim. 3:15; Prov. 4:1-4).