Estas palabras tienen que estar en tu corazón

Nakuwaʼipa na wayuu kachonniikana müsü aka saaʼin nakuwaʼipa na arüleejüliikana. Chi arüleejüikai, naaʼinmajüin tü naʼanneetsekalüirua müshiʼiya na kachonshiikana naaʼinmajüinjana na nachonniikana (Prov. 27:23). ¿Kasa naaʼinrajatka na kachonshiikana süpüla naaʼinmajüin nachonnii? Choʼujaashantasü yootuinjanain weinshi na wayuukana namaa nachonnii süpüla natüjaain saaʼu tü suluʼukat naaʼin na nachonniikana (Prov. 20:5). Katsüinjatü jutuma nanoula na juchonniikana sükajee tü shiimainkat (1 Cor. 3:10-15). Sükajee tü videokot Estas palabras tienen que estar en tu corazón, aküjüneesü wamüin waʼwaajüinjachin weinshi Maleiwa sümaa wapüshi. Jünaja tü videokot, süchikijee, jusoukta shiʼipajee tü asakinnakalü anain.

1) ¿Jamüsü sümalajaaka sunoula nüpüshi Tomás? 2) ¿Kasa alataka soʼu tü palajatkat nukua Tomás sünain nikirajaain sümaa nüpüshi? ¿Jamüsü sülataka tia? 3) ¿Jamüinjatü nepijia na tepichikana saashin tü Wiwüliakat? (Deut. 6:6, 7.) 4) ¿Kasa naaʼinrajatka na wayuukana süpüla yootiraain naya sümaa napüshi? 5) ¿Kasa naaʼinrajatka na kachonshiikana napüleerua nachonnii? 6) ¿Jamüsü sükaaliinjia nüpüshi Tomás natuma na wawalayuukana Vargas? (Prov. 27:17.) 7) ¿Jamüshi nikirajaainjachika palajana wanee wayuu süpülapünaa nuʼwaajüin Maleiwa sümaa nüpüshi? 8) ¿Kasa naaʼinraka Tomás süpüla anainjatüin sukuwaʼipa nüpüshi? 9) ¿Jamüshii waneepiainjanaka waya sünain aʼwaajaa Maleiwa sümaa wapüshi? (Éf. 6:4.) 10) Püküja tü eekat süpüla ekirajaanüin anain soʼu tü ai waʼwaajakalü oʼu Maleiwa. 11) ¿Jamüsü anashantaka lotuin nünüiki Tomás otta nnojoluin naashichijaain wanaa sümaa naashajaain chi nüchon miyoʼushikai? (Jer. 17:9.) 12) ¿Jamüsü nünüiki Tomás sümaa Mónica sümüin tü nachonkot süpüla suuʼulaainjachin Justin? (Mar. 12:30; 2 Tim. 2:22.) 13) Püküja jamüin kanoulaka Tomás sümaa Mónica wanaa sümaa nooʼulaain süpüshi tü naʼyataainkat (Mat. 6:33). 14) ¿Jamüshii sükaaliinjaka na tooloyuukana videokot tüü süpüla nekirajüin napüshi? (1 Tim. 5:8.) 15) ¿Kasa naaʼinmaainjatka wanee wayuu eekai kachoin?

NAMÜINJATÜ NA KACHONSHIIKANA: Wanaa sümaa sujuʼitüin dramakat tüü sünain tü outkajawaakat miyoʼu 2011, ¿eesia piʼrüin choʼujaain punouktüin sukuwaʼipa puʼwaajia Maleiwa sümaa püpüshi? Sükajee piʼrüitpain süchikuaʼa tü videokot, ¿eesia piʼrüin waneeirua kasa choʼujaaka süpüla punoukteʼerüin sünain sukuwaʼipa puʼwaajia Maleiwa? Müle shia, puchunta kaaliiwaa nümüin Jeʼwaa süpüla suʼttaainjatüin püpüshi (Éf. 5:15-17).