Talatüsü waaʼin sutuma jeketeerüin tü sirumatuʼukat sümaa tü mmakat

Shiimainshaata maʼin naainjeerüin Jeʼwaa tü nümakat suluʼu Isaías 65, müsü aka shikeraajüitpakai saaʼin nutuma.

Nukumajüin Jeʼwaa «wanee sirumatuʼu jeketü jee müsia wanee mma jeketü» eere nnojoleerüin jaralüin sotuin aaʼin tü kasa alatüitpakat

65:17

¿Kasa wayuu tü sirumatuʼu jeketkat?

• Shia wanee aluwataaya jeketü eejeetka atuma lotoo akuwaʼipaa yaa saaʼu tü Mmakat.

• Oʼttüsü soʼu juyakat 1914, wanaa sümaa nüikkalaain Kürisüto sünain aluwatawaa suluʼu Nuluwataaya Maleiwa.

¿Kasa wayuu tü mma jeketkat?

• Naya na wayuu eekana sainküinjee tü mmakat, na naatakana anüiki, na naatakana oumain, na naatakana akuwaʼipa otta suluʼuweekana Nuluwataaya Maleiwa.

¿Jamaluʼulu nnojoluinjatüin jaralüin jülüjain aaʼin tü kasa alatüitpakat?

• Nnojoleerü jaralüin jülüjain aaʼin tü kasa mojusü alatapuʼukat sümüin wayuu, maʼaka saaʼin ayuulii otta mojuu aaʼin.

• Talateena maʼin na wayuu waneepiakana nümaa Maleiwa, shieerü neʼe sotoka naaʼin tü kasa anasü neʼreetkat.