Pikiraja naya süpüla naʼyataain waneepia nümüin Jeʼwaa

Nikirajünüle waneepia wanee aküjai pütchi süpüla talatüin nia sünain aküjaa pütchi, atüjashi maʼin nia süpüleerua mapa (Pr 22:6; Flp 3:16). Wekirajaa sünain tü waaʼinrajatkat süpüla wakaaliinjain na wekirajüinkana sünain aküjaa pütchi:

• Pikiraja nia nüneekünaiwaʼaya süpüla aküjaa pütchi (km 8/15 süp. 1). Anasü niyaawatüle saaʼu keraainjatüin nutuma joujainjachin nujuʼitüin sünain aküjaa pütchi semaanawai (Flp 1:10). Ana pünüiki nachiki na wayuu püküjakana amüin pütchi (Flp 4:8). Püma nümüin nüküjai pütchi nümaa chi laülaashi nekiipüʼükai na wawalayuukana jee nümaa wanee wawala eekai nütüjain ekirajaa (Pr 1:5; km 10/12 süp. 6 püt. 3).

  

• Ayataʼaya pikirajüin jee pütütüleʼerüin naaʼin chi pikirajüinkai, jaʼitaichi woutiisain nia, shialeeka nnojoyürüle keraain nutuma tü karaloʼutakat «Ayata alin jüpüla Maleiwa» (km 12/13 süp. 3).

  

• Mapüleechoinjatü pünüiki püküjapa pütchi nümaa wanee wayuu jekechikai aküjain pütchi. «Anasü sukuwaʼipa putuma», püma nümüin nüküjapa pütchi. Püküja tü naaʼinrajatkat süpüla anain nikirajia (km 5/10 süp. 7).