WAKUWAʼIPA SÜNAIN ANOUJAA
Tü waaʼinrajatkat süpüla wekirajaain maʼin sünain tü Wiwüliakat
¿Meeshi pia maʼaka naaʼin Daniel suuʼulakünapa paaʼin? Ekirajaashantashi nia sünain tü Wiwüliakat, nikirajaa anainrü tü kasa alatajatkat (Da 9:2). ¿Jamüshi waneepieechika pia nümaa Maleiwa pikirajaale maʼin sünain tü Wiwüliakat? Piʼitaajeerü maʼin paaʼin sünain shikeraajeerüin süpüshuaʼa tü nümakat Jeʼwaa (Jos 23:14). Aijeechi maʼin Jeʼwaa püpüla otta paainjeerü tü kasa anasükat noʼuluʼu (Sl 97:10). ¿Jamüinjatche sukuwaʼipa putuma? Anasü paaʼinrüle tüü.
¿Kasa pikirajaainjatkalü anain? Süpüshi tü pikirajaainjatkalü anain shia yapainjatüin putuma tü outkajawaakat. Atüjeechi maʼin pia müleka püchajaale süchiki wanee kasa nnojotka piyaawatüin aaʼu sünainjee tü aashajeʼennakat suluʼujee tü Wiwüliakat. Eeshii wawalayuu ekirajaakana maʼin süchiki tü akuwaʼipaa eekat nutuma chi naaʼinkai Maleiwa jee shiale süchiki jalapünaain Pablo sünain aküjaa pütchi otta süchiki tü kasa nukumajakat Jeʼwaa. Eere wane kasa pütüjaweeka aaʼu sünainjee tü Wiwüliakat, anasü püshajüle shia otta pikirajaa sünain mapa.
¿Jalasü aküjünüin tü sukuwaʼipainjatkat putuma? Sünain tü videokot Wekirajaayainjatü süpüla wantüin sünain kaaʼürüi suluʼu tü Wiwüliakat aküjünüsü tü paaʼinrajatkat. Süpüla pütüjaain saaʼu jetsüin maʼin tü kasa pütüjakalü apüleerua anasü shiale pikirajaain anain kasain kayaawasein tü mürüt keemasü ashajünakalü achiki suluʼu Daniel kapiitulo 7.
¿Jeʼrainjatü pümaa sünain ekirajawaa? Süpüla anainjatüin sukuwaʼipa wanoula ekirajaainjana waya weinshi. Müleka anale saaʼin pümüin eeshi süpüla puʼttüin sünain ekirajawaa motsomüin neʼe, kooʼomüin meerü mapa putuma. Wanaa sümaa wekirajaain sünain tü Wiwüliakat, müshii wantakai sünain korolo kojutusü, keeʼireejeerü waaʼin watüjain sooʼomüin süchiki tü Wiwüliakat (Pr 2:3-6). Kamalainjeerü maʼin pümüin ekirajawaa sünain tü Wiwüliakat otta kiʼreechi pia sünain mapa (1Pe 2:2).
¿KASA KAYAAWASEKA TÜ MÜRÜT KEEMASÜ ASHAJÜNAKALÜ ACHIKI SULUʼU DANIEL KAPIITULO 7?
Da 7:4
Da 7:5
Da 7:6
Da 7:7
WANEE KASA PÜTÜJAAINJATKA AAʼU:
¿Jamüsü shikeraajia Daniel 7:8, 24?
TÜ PIKIRAJAAINJATKALÜ ANAIN MAPA:
¿Kasa kayaawaseka tü mürüt keemasü saashajaakalü achiki Alateetkat Mapeena kapiitulo 13?