WAKUWAʼIPA SÜNAIN ANOUJAA

Waküja pütchi namüin otta wekiraja naya

Nuluwataain Jesuu na nikirajüinkana sünain aküjaa pütchi sainküin mmaka (Mt 28:19). Süpüla woonooin sümaa tia, aküjainjana maʼin waya pütchi otta wekirajüinjatü wayuu. Anasü jülüjale waaʼin waneʼewai wakua pütchikat tüü: ¿Kasa taaʼinrajatka süpüla anainjatüin sukuwaʼipa tü taʼyataain?

AKÜJAAKAT PÜTCHI

Nnojotsü waʼatapajüinjatü sürütkaain wayuu wanainmüin, shia anaka aluʼu wachajaale nachiki na wayuu aapajeekana tü pütchikat (Mt 10:11, TNM). Waküjapa pütchi, ¿wachajaainche sukuwaʼipa süpüla waashajaain namaa na wayuu wantiraka amaa? (Alu 17:17). Saapaain amaa Lidia tü pütchikat sutuma nüküjain maʼin pütchi Pablo (Alu 16:13-15).

Naapüin Samuel wanee rewiisüta nümüin Ezequiel, ekirajünüshi nia sümaa Abigail nutuma Solomon otta Mary — «Püpünaja tü püwaüyainkat wattaʼa maalü sünainmüinreʼeya aliika, nnojo peemeraain suulia» (Ec 11:6).

SÜCHIKIJEE JÜNAJÜIN TÜ VIDEOKOT AYATA PÜKÜJAIN PÜTCHI «WANEEPIA»: EEPÜNAALE PIA OTTA SAINKÜIN PIICHI, JUSOUTA SHIʼIPAJEE PÜTCHIKAT TÜÜ:

¿Jamüsü watüjaaka saaʼu nüjayatüin tü kaʼikat Samuel süpüla süntajatüin tü shiimainkat suluʼumüin saaʼin wayuu?
¿Jamüsü waküjainjatka pütchi sümüin wayuu sümaa naatawalin sukuwaʼipa watuma?
¿Jaralii na eekana süpüla waküjain amüin pütchi suʼunnaa waʼyataain jee waaʼinrüle wanee kasa naata?

EKIRAJAA

Süpüla nanoujainjanain na wayuukana, nnojotsü weitajüinjatüin neʼe karaloʼuta namüin. Kooʼomüinjeerü sunoula wayuu wouyantüle namaʼanamüin otta wekirajüle naya sünain tü Wiwüliakat (1Co 3:6-9). ¿Kasa waaʼinrajatka nnojorüle kooʼomüin nunoula wanee wekirajüin, mayaainjeʼe wakaaliinjain maʼin nia? (Mt 13:19-22). Anashii nayale wachajaain achiki na kojutukana maʼin amüin tü shiimainkat (Mt 13:23; Alu 13:48, TNM).

Ekirajünüshi Ezequiel sümaa Abigail nutuma Solomon otta Mary; ottüshii naya sünain aküjaa pütchi — «Müshi aka naaʼin [taya] chi apünajakai. Otta Apolos, [...], müshi aka naaʼin chi oʼyonüikai wüin. Otta chi Maleiwakai, nia chi lotokai atüma tü jünoulakat» (1Co 3:6).

SÜCHIKIJEE JÜNAJÜIN TÜ VIDEOKOT AYATA PÜKÜJAIN PÜTCHI «WANEEPIA»: EERE JOULUIN WAYUU OTTA PIKIRAJA WAYUU, JUSOUTA SHIʼIPAJEE PÜTCHIKAT TÜÜ:

¿Kasa naaʼinraka Solomon sümaa Mary süpüla kooʼomüinjatüin nunoula Ezequiel sümaa Abigail?
¿Kasa keeʼireeinjatka maʼin waaʼin waküjapa pütchi sümüin wayuu süpüshuaʼa, maʼaka saaʼin waküjapa pütchi süka tü kareetachonkot?
¿Kasa waaʼinrajatka süpüla nayainjanain wakaaliinjain na wayuu kojutukana amüin tü shiimainkat?