Ayaawatünüshii na anoujashii shiimainkana sükajee aijiraain naya: Ayataa paaʼinwajiraain jia

¿JAMÜSÜ CHOʼUJAAKA? Wanee ai süpülapünaa outuin Jesuu, nuchuntuin nümüin chi Nüshikai süpüla paaʼinwajiraainjanain na nikirajüinkana (Jn 17:23). Paaʼinwajiraajeena waya müleka aijiraale waya jee motule waaʼin tü kasa mojusü aaʼinnakat wamüin (1Co 13:5).

ANUU SUKUWAʼIPAINJATKA

• Jülüja paaʼin tü anakat sünain nakuwaʼipa na waneinnua maʼaka naaʼinrüin shia Jeʼwaa.

• Moto paaʼin naainjala na waneinnua.

• Punouteʼera wanee mojujirawaa otta nnojo pujuitirüin shia süchikuaʼa (Pr 17:9).

SÜCHIKIJEE JÜNAJÜIN TÜ VIDEOKOT AIJIRAAINJANA JIA JÜPÜLA WANEʼEWAIRE JUKUA: MOTO WAAʼIN SÜPÜSHUAʼA TÜ KASA MOJUSÜ AAʼINNAKAT WAMÜIN, JUSOUTA SHIʼIPAJEE TÜÜ:

• Sünain tü palajatkat shiʼipa, ¿jamüsü jülüjaka saaʼin Elena tü kasa mojusü aaʼinnakat sümüin?

• ¿Kasa saaʼinraka Elena süpüla sunouteʼerüin tü jülüjakat saaʼin?

• ¿Jamüshii paaʼinwajiraaka na wawalayuukana sutuma tü saaʼinrakat Elena?