«Tü jüsülajüinjatkat nümüin Jeʼwaa»

¿Kasa eeka süpüla waaʼinrüin süpüla piratajatüin wajapü sümaa tü wasülajakat nümüin Jeʼwaa? (1Cr 29:5, 9, 14). Aküjünüsü yaʼayaa tü eekat süpüla waaʼinrüin wasülajapa süpüshi wanneetse süpüla süküjünüin pütchi sainküin mma.

TÜ WASÜLAJAKAT SULUʼUPÜNAA INTERNET JEE TÜ WEJITAKAT SULUʼU TÜ KOJONCHONKOT, SÜPÜLAJATÜ:

• 

  SÜKÜJÜNÜIN PÜTCHI SAINKÜIN MMA

  akumajünüsü Weteet, piichi eere sülatinnüin pütchi otta süpüla tü aʼyatawaa aainjünakat suluʼu

  ekirajawaa eekat sutuma nupueulose Jeʼwaa

  akaaliijaa na waneepiakana sünain aʼyatawaa nümüin Maleiwa

  akaaliijaa na wawalayuu müliakana sutuma sülatalaʼa sümüin wanee kasa

  akumajünüsü video, karaloʼutairua otta tü eʼitaanakat suluʼu Internet

• 

  NNEERÜ ASÜLAJÜNAKA SÜPÜLA TÜ OUTKAJAALEEKAT

  anoutunüsü tü outkajaaleekat, awalaajünüsü tü luusakat jee tü wüinkat

  akatannüsü süpüshi süpüla suluwataanüin Weteetmüin süpüla:

  • sukumajünüin Piichi Outkajaalee otta piichi süpülajatü Outkajawaa miyoʼu

  • suwalaajünüin kasa amülouika otta amojujaaka suluʼu tü outkajaaleekat jee shiale suluʼu Weteet

  • waneirua kasa aainjünaka sainküin mma

OUTKAJAWAA MIYOʼU APÜNÜINKA KAʼI OTTA PIANTUAKA JUYAWAI

Tü nneerü asülajünakat sünain tü outkajawaa miyoʼu apünüinkat kaʼi süpülajatü süküjünüin pütchi sainküin mma. Akatannüsü süpüshi tia nneetkat süpüla tü outkajawaa miyoʼu apünüinkat kaʼi, outkajawaa miyoʼu anaka maʼin otta outkajawaa miyoʼu eere nantüin wawalayuu naataka oumain.

Süka tü nneerü asülajünakat sünain tü outkajawaa miyoʼu piantuakat juyawai awalaajünüsü süsapia tü piichikat eere saainjünüin wanee outkajawaa miyoʼu, süpülajatü sukumajünüin waneirua kasa choʼujaakat suluʼu. Süpütaale nneerü, eesüjaʼa süpüla suluwataanüin süpüla süküjünüin pütchi sainküin mma.