WAKUWAʼIPA SÜNAIN ANOUJAA
«Anashii jükatarüle tü jüsülajüinjatkat»
Nnojotsü anain wasülajüle wanee kasa nümüin Jehová soʼu wanee kaʼi sotoka oʼu waaʼin shia. Anuu tü anakat süpüla waaʼinrüin naashin chi aluwataaushikai Pablo: «Anashii jükatarüle tü jüsülajüinjatkat» (1Co 16:2). Waaʼinrüle tia eejeena waya sünain akaalinjaa tü aʼyatawaa aainjünakat süpüla nuʼwaajünüin Jehová otta talateerü maʼin waaʼin. Mayaainjeʼe müin malaacheinkai saaʼin tü kasa püsülajakat, talatüshi Jehová sümaa süka kojutuin nia putuma «süka tü kasa kojutusü pümaʼanakat» (Pr 3:9).
SÜCHIKIJEE JÜNAJÜIN TÜ VIDEOKOT ANASÜ MAʼIN SÜKA JÜKATALÜIN TÜ JÜSÜLAJÜINJATKAT, JUSOUTA SHIʼIPAJEE TÜÜ:
¿Jamüsü anaka wakumajüle sukuwaʼipa tü wasülajüinjatkat?
¿Kasa naaʼinraka waneinnua wawalayuu süpüla nakatalüin tü nasülajüinjatkat?