WAKUWAʼIPA SÜNAIN ANOUJAA
Aʼatapajeeshii waya waneepia
¿Jeʼraichi pia juya sünain aʼatapajaa nüikaleʼerüin Maleiwa sukuwaʼipa Nuluwataaya saaʼu tü mmakat? ¿Ayatüsüche paʼatapajüin tia mayaapejeʼe wainmain tü kasa eejiraakalü amaa pia? (Ro 8:24, 25). Eeshii wawalayuu aʼürülaanakana anain, müliakana atumawaa, püreesakana jee oʼutuneekana aaʼin. Eeshii eekai ayuulin jee laülaayuuin.
¿Kasache waaʼinrajatka süpüla wachecherüin waaʼin sümaʼinruʼu waʼatapajüin tü naaʼinrajatkat Jeʼwaa? Wakatsüinrüinjatü wanoula sükajee waashajeʼerüin tü Wiwüliakat weinshi jee jülüjain maʼin waaʼin tü sümakat. Otta müsia jülüjainjatü maʼin waaʼin tü kasa anasü naaʼinrajatkat Maleiwa mapeena (2Co 4:16-18, TNM; Heb 12:2). Wachuntüinjatü nümüin Jeʼwaa süpüla nükatsüinrüin waaʼin nükajee chi naaʼinkai (Lu 11:9, 10, 13; Heb 5:7). Nükaalinjeena waya chi Washikai Jeʼwaa süpüla nnojoluin washapalaain aaʼin jee süpüla wachecherüin waaʼin soʼunnaa tü müliaa weʼrüinjatkat (Col 1:11).
SÜCHIKIJEE JÜNAJÜIN TÜ VIDEOKOT PÜCHECHERA PAAʼIN SÜNAIN TÜ AYOUJIRAWAAKAT: PUNOUJA SÜNAIN PÜKANAJEERÜIN TÜ AYOUJIRAWAAKAT, JUSOUTA SHIʼIPAJEE PÜTCHIKAT TÜÜ:
¿Kasa eeka süpüla sülatalaʼa sümüin wamüin? (Ec 9:11).
¿Jamüsü anaka woʼuraajüle nümüin Jeʼwaa sülatüle kasa mojusü wamüin?
Isaitpale wachiki waaʼinrüin tü waaʼinrapuʼukat wamaiwa, ¿jamüsü anaka jülüjale waaʼin tü eekat süpüla waaʼinrüin maaʼulu?
Jülüja paaʼin pükanajeerüin tü ayoujirawaakat.
¿Kasa paaʼinraka süpüla pükanajüin tü ayoujirawaakat?