KOROLO KOJUTUSÜ SULUʼUKA TÜ WIWÜLIAKAT | TITO 1–FILEMÓN
¿Jamüinjatü naneekia na laülaashiikana?
Nuluwataain Pablo Tito süpüla nüneeküinjanain laülaashii suluʼu tü outkajaaleekat sainküin tü pueulokalüirua. Müsia neʼe maaʼulu, aneekünüshii na laülaashiinjanakana natuma na alapalaakana naaʼu na wawalayuukana.
NA LAÜLAASHII JÜLÜJAKANA AAʼIN NA AKÜJALIIKANA PÜTCHI SAINKÜIN MMA
Na Laülaashii Jülüjakana Aaʼin na Aküjaliikana Pütchi sainküin Mma, naaʼinrüin tü naaʼinrapuʼukat na anoujashii namaiwajanakana. Naluwataain na alapalaakana naaʼu na wawalayuukana süpüla naneeküin laülaashii jee na aʼyataakana neʼipajee na laülaashiikana, nnojotsü ashaitaain tia.
NA WAWALAYUU ALAPALAAKANA NAAʼU NA WAWALAYUUKANA
Chi alapalaakai naaʼu na wawalayuukana, oʼuraajüinjachi süpülapünaa nüneeküin wanee laülaashi otta nikirajaainjatü anain palajana tü namakat na laülaashiikana nüchiki chia anoujashikai.
NA LAÜLAASHIIKANA SULUʼU TÜ OUTKAJAALEEKAT
Na wawalayuu aneekünakana süpüla laülaashiinjanain naya, ayatüinjatia jaʼyain naaʼu tü akuwaʼipaa aneekünaka aaʼujee naya wanaapünaa sümaa tü sümakat tü Wiwüliakat.