¿Kojutusüche maʼin wamüin tü Nünüikikat Maleiwa?

Tü ashajünakat suluʼu tü Wiwüliakat, shia tü suluʼukat naaʼin Maleiwa. Nia Kanüikika shia Maleiwa (2Pe 1:20, 21). Aküjünüsü suluʼu tü Wiwüliakat niain neʼe Jeʼwaa anaka süpüla aluwatawaa, suluʼujee tia shiyaawata aaʼu wayuu aneerüin nakuwaʼipa soʼu palit kaʼi. Ashajünüsü suluʼu tü Wiwüliakat anashaatain maʼin tü nukuwaʼipakat Jeʼwaa (Sl 86:15).

Kojutusü wamüin tü Nünüikikat Maleiwa saaʼu wainma kasa. ¿Waashajeʼerüinche shia waneepia? ¿Waaʼinrüinche tü aküjünakat suluʼu? Sükajee tü kasa waainjakat, jaʼyainjatü waaʼu kojutuin shia wamüin maʼaka naaʼin chi ashajakai pütchikat tüü: «¡Kojutushaatasü tamüin tü puluwataakalü anain!» (Sl 119:97).

SÜCHIKIJEE JÜNAJÜIN TÜ VIDEOKOT KOJUTUSÜ NAMÜIN TÜ WIWÜLIAKAT: SHIʼIPA (WILLIAM TYNDALE), JUSOUTA SHIʼIPAJEE TÜÜ:

• 

  ¿Kasapülajatü nüshajaka William Tyndale süpüshi tü Wiwüliakat suluʼu inkülee?

• ¿Jamüsü kojutuka maʼin atumawaa tü naainjakat William Tyndale?

• ¿Jamüsü sukuwaʼipa atumawaa süpüla sülüʼüjünüin Inglaterra sükoopiain tü Wiwülia nukumalakat Tyndale?

• ¿Kasa waaʼinrajatka shiimainrejeʼe kojutuin wamüin tü Nünüikikat Maleiwa?