Paaʼinwainjana waya nümaa Jeʼwaa nüchiaale wanee wayuu, sükajee tia aishi nia wapüla

Nujuʼitinnapa wanee wayuu naʼakajee na anoujashiikana, aaʼinmajünüshii na wawalayuukana otta achiaanüshi chi wayuu kaainjalakai süpüla nuuʼulaainjachin suulia naainjala (1Co 5:6, 11). Paaʼinwale waya sümaa tü kasa nüneekakat Jeʼwaa, shiimain sünain alin nia wapüla. Nujuʼitinnapa wanee wayuu naʼakajee na anoujashiikana, mojusü naaʼin na nüpüshikana otta na apünüinshii laülaashii outkajaakana nümaa. ¿Jamaka süpüla alinjachin nia wapüla mojule waaʼin sutuma tü alatakat nümüin?

Palajana, shia süka alin wapüla Jeʼwaa, kojutuin wamüin nia otta kojutuin wamüin tü nuluwataakalü anain waya (1Pe 1:14-16). Waaʼinrüle tia, aishi wapüla chi wayuu ojuʼitinnakai naʼakajee na anoujashiikana. Shiimain sünain kaluʼuin moju aaʼin nujuʼitinnüle wanee wayuu. Eʼreechipajaʼa nia kasa anasü suluʼujee tia (Heb 12:5, 6, 11). Müleka ayatüle waya yootuin nümaa wanee wayuu ojuʼitinnakai naʼakajee na anoujashiikana jee niale wanee nnojoikai nanainpünaaweein na wawalayuukana, nnojoishijaʼa mata wooʼulaain nüchiaain nia Jeʼwaa. Nüchiaapa Jeʼwaa wanee wayuu, nnojoishi müliain maʼin nia nutuma (Jer 30:11). Sümaʼinruʼu nüleʼejüin nünainmüin Jeʼwaa chi wayuu ojuʼitinnakai, ayata paaʼinwain waya nümaa Jeʼwaa otta ayata waʼyataain nümüin (Is 1:16-18; 55:7).

SÜCHIKIJEE JÜNAJÜIN TÜ VIDEOKOT WANEEPIAINJACHI WANEE WAYUU NÜMAA JEʼWAA, JÜSOUTA SHIʼIPAJEE TÜÜ:

• 

  Nuuʼulaale wanee wayuu suulia aʼyatawaa nümüin Jeʼwaa, ¿jamüsü naaʼin na wayuu kachooinkana nia sutuma tia naainjakat?

• 

  ¿Kasa eeka süpüla naaʼinrüin na wawalayuukana süpüla nakaalinjain nüpüshi chia wayuu ojuʼitinnakai?

• 

  Alanaʼaleesia maʼin waneepiale waya nümaa Jeʼwaa noulialeʼeya na wapüshikana, ¿jarat tü aküjalaa ashajünakat suluʼu tü Wiwüliakat aashajaaka süchiki tia?

• 

  ¿Kasa waaʼinrüinjatka süpüla jaʼyainjatüin waaʼu kojutuleein wamüin waneepieein waya nümaa Jeʼwaa noulia na wapüshikana?