WAKUWAʼIPA SÜNAIN ANOUJAA
Aishii waya nüpüla Jeʼwaa nüchiaapa waya
Achiaanüshi wanee wayuu wanaa sümaa nikirajünüin otta eeshi nüchiaanüle süpüla nunouteʼerüinjatüin nukuwaʼipa. Müsia neʼe tü naainjakat Jeʼwaa waka, nüchiaain waya süpüla waʼwaajüin nia maʼaka keeʼireein shia naaʼin (Ro 12:1; Heb 12:10, 11). Eesü aire wamüin wachiaanüle. Waapaale sümaa tü achiaanakalü oulia waya, loteerü wakuwaʼipa jee wainmeerü kasa anasü naapeetka Jeʼwaa wamüin (Pr 10:7). ¿Kasa jülüjainjatka naaʼin na wayuu achiaakana otta müshiʼiya na wayuu achiaanakana?
Na wayuu achiaakana. Na laülaashiikana, na kachonshiikana jee waneinnua wayuu nachiaain wanee wayuu süka alin nia napüla. Nashatüin nukuwaʼipa Jeʼwaa naaʼinrapa shia (Jer 46:28). Jaʼitairü mojuin maʼin naainjala wanee wayuu anainjatü sukuwaʼipa nüchiaaya. Nnojotsü airuʼuluinjatüin pütchi nümüin otta alinjachi nia apülawaa (Tit 1:13).
Na wayuu achiaanakana. Wachiaanapa, waapaainjatü sümaa tia otta weʼitaamaatüinjatü shia sünain wakuwaʼipa (Pr 3:11, 12). Sutuma kaainjaralin waya choʼujaasü wachiaanüin. Jamüsüjaʼa tü Bibliakat otta tü waapajakat sünain tü outkajawaakat eesü süpüla süchiaain waya. Eesüjaʼa choʼujaale noutkajaain apünüinshii laülaashii wamaa süpüla nachiaain waya. Kacheʼere waya sümüin tü münakat wamüin otta wachajaale sukuwaʼipa süpüla wanouteʼerüin wakuwaʼipa, kateerü woʼu waneepia (Pr 10:17).
SÜCHIKIJEE JÜNAJÜIN TÜ VIDEOKOT NÜCHIAAIN JEʼWAA NA AIKANA NÜPÜLA, JUSOUTA SHIʼIPAJEE TÜÜ:
¿Jamapuʼusü nukuwaʼipa Canon tepichiiwaʼaya nia? ¿Jamüsü nukuwaʼipa mapa?
¿Kasa naaʼinraka Jeʼwaa süpüla nüchiaain nia?
Kojuta maʼin wamüin nüchiaain waya Jeʼwaa.
¿Kasa shikirajaka anain waya tü alatakat nümüin Canon?