Jikiraja na jüchonniikana süpüla yapainjanain naya

Maaʼulu yaa, naainjale wanee wayuu kasa mojusü anasü saashin wayuu jee naainjale kasa anasü mojusü naashin (Is 5:20). Wainma maʼin na aaʼinrakana tü kasa nülerajakat Jeʼwaa. Eeshii jieyuu anajakana amüin jieyuu ooʼulaka tooloyuu anajakana amüin tooloyuu. Eejeena tepichi aküjaka namüin na wachonniikana naaʼinrüinjatüin tü kasa mojusü naaʼinrakat nayakana. Jiakana kachonniikana, ¿kasa jaaʼinrajatka süpüla jikirajüin na jüchonniikana suulia nemeejünüin?

Pikiraja naya sünain tü kasa anakat noʼuluʼu Jeʼwaa (Le 18:3). Miyoʼu miyoʼu namapa na tepichikana, pikiraja naya jamüin sünüiki tü Wiwüliakat süchiki tü aainjirawaakalü akuwaʼipaa (Dt 6:7). Püsakira paaʼin sünain tüü: «¿Taküjainche namüin na tachonniikana kasain naaʼinrajatüin wanee wayuu aire naya napüla? ¿Natüjaa aaʼuche jaralüin tü nasheʼin anainjatkalü aluʼu nayolojo? ¿Natüjaa aaʼuche kojutuinjanain naya natuma na waneinnua? ¿Natüjaa aaʼuche kasainjatüin naaʼinrüin shiiʼiyatünüle namüin wayuu maichesat jee amaʼüjiraaka sukuwaʼipa? ¿Natüjaa aaʼuche kasainjatüin naaʼinrüin naluwataanüle sünain aaʼinraa kasa mojusü?». Natüjaale saaʼu kasainjatüin naaʼinrüin, nnojoleena naya eʼrüin müliaa (Pr 27:12; Ec 7:12). Wekirajüle wachonnii, shiimainjaʼa mata kojutuin naya wamüin süka nüsülajalain naya Jeʼwaa wamüin (Sl 127:3).

SÜCHIKIJEE JÜNAJÜIN TÜ VIDEOKOT TÜ PAAʼINRAJATKAT SÜPÜLA ANAIN SUKUWAʼIPA PÜPÜSHI WANEEPIA. JAAʼINMAJA JÜCHONNII SUULIA «TÜ KASA MOJUSÜKAT», JUSOUTA SHIʼIPAJEE TÜÜ:

• 

  Eeshii wayuu kapüleekana amüin aashajawaa namaa nachonnii süchiki tü aainjirawaakalü akuwaʼipaa, ¿kasa aaʼujee?

• 

  Nachiaainjana na wayuukana nachonnii wanaapünaa sümaa tü nuluwataakalü anain Jeʼwaa, ¿jamüsü naaʼinrajatka tia? (Éf 6:4).

• 

  Süpüla nekirajüinjanain na wawalayuukana nachonnii, ¿kasa eeka sutuma nupueulose Jeʼwaa? (w19.05 12).

• ¿Jamüsü nnojoluinjatka nounjulajüin wanee kasa na tepichikana noulia na kachooinkana naya?