Tü naʼyataapuʼukalü anain na leviitakana

Nnojoishii nüneeküin Jeʼwaa neʼiruma na israeliitakana. Naya nüneekaka na leviitakana (Nú 3:11-13; it-2-S 890 püt. 1).

Anasü maʼin tü naʼyataakalü anain na leviitakana (Nú 3:25, 26, 31, 36, 37; it-2-S 213).

Eesü süpüla naaʼinrüin na leviitakana süpüshuaʼa tü aʼyatawaa eʼitaanakat namüin wanaa sümaa 30 nouyase. Ojoʼlooshii naya suulia aʼyatawaa wanaa sümaa 50 nouyase (Nú 4:46-48; it-2-S 214 püt. 2).

Na tooloyuu nuuʼuliwoʼukana Aarón naya aneekünaka süpüla sacerdooteinjanain naya. Na wanee leviitakana, akaalijülii neʼe naya. Müsia neʼe maaʼulu yaa, eeshii wawalayuu aneekünakana süpüla aʼyatawaa kaawainkat maʼin otta eeshii na aneekünakana süpüla wanee aʼyatawaa nnojotka kaawain maʼin.