KOROLO KOJUTUSÜ SULUʼUKA TÜ BIBLIAKAT

Lotusü sukuwaʼipa tü kasa aainjünakat suluʼu tü aʼwaajüleekat Maleiwa

Nukumajüin sukuwaʼipa David jalainjanain naʼyataain na levitakana jee na sacerdotekana suluʼu tü aʼwaajüleekat Maleiwa (1Cr 23:6, 27, 28; 24:1, 3; it-2-S 214 püt. 1, 893 püt. 1).

Aneekünüshii na atüjakana otta na ekirajaakana sünain eeʼirajaa süpüla naʼyataain suluʼu tü aʼwaajüleekat Maleiwa (1Cr 25:1, 8; it-2-S 443 püt. 1).

Aneekünüshii waneinnua levita süpüla jülüjain naaʼin supuettoʼuse tü aʼwaajüleekat, tü nneerü asülajünakat jee süpüla naaʼinrüin waneirua aʼyatawaa (1Cr 26:16-20; it-2-S 684 püt. 1).

Waneinnua wawalayuu süpülapünaa suʼttuin tü outkajawaakat. 1. Asakiraashii naya jee yootushii naya. 2. Wanee wawala eeʼiyatakai sünain tü karaloʼutapüleekat wanee kasa sümüin wanee wawala. 3. Wanee wawala ejitaka nneerü suluʼu tü kojonchonkot. 4. Wanee wawala süpüʼüyakai tü karaloʼutakat aapakai wanee karaloʼuta sümüin wanee wawala. 5. Wanee wawala anaatakai tü emiyoʼujiakat pütchi eere tü aashajaaleekat. 6. Wanee wawala epitajakai nümaa nüchon.

Anasü nümüin Jehová lotule wanee kasa, nücheküinjeseʼe lotuin wakuwaʼipa sünain aʼwaajaa nia (1Co 14:33).

PÜSAKIRA PAAʼIN: ¿Jamüsü sütüjaanaka aaʼu maaʼulu lotuin maʼin wakuwaʼipa sünain aʼwaajaa Jehová?